26 aqpanda Qazaqstan aýmaǵyna Latviia, Qytai, Shri-Lanka, BAÁ, Mysyr, Túrkiia, Armeniia, Grýziia, Resei, Belarýs, Ózbekstan jáne Qyrǵyzstannan 27 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etkendei, bir táýlikte elimizge barlyǵy 3 633 jolaýshy ushyp keldi. Onyń 3 294-inde koronavirýsqa PTR-testileýdiń teris nátijesi bar anyqtama bolǵan. Qalǵan 339-y PTR-anyqtamasyz kelgen, barlyǵy da Qazaqstan azamattary.
Atap aitqanda:
- Almaty qalasynyń áýejaiyna – 13 reis, 2 270 jolaýshy, anyqtamamen - 2 052, anyqtamasyz - 218;
- Nur-Sultan qalasynyń áýejaiyna – 10 reis, 1 260 jolaýshy, anyqtamamen - 1 139; anyqtamasyz - 121;
- Aqtaý qalasynyń áýejaiyna – 2 reis, 87 jolaýshy anyqtamamen kelgen;
- Qaraǵandy qalasynyń áýejaiyna – 2 reis, barlyq 16 jolaýshy anyqtamamen kelgen.
Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
Sondai-aq málim etilgendei, 25 aqpanda shetelden anyqtamasyz kelgen Qazaqstannyń 496 azamatynyń koronavirýsqa test nátijeleri daiyn bolǵan. Oǵan sáikes, «Sharm-el-Sheih – Nur-Sultan» reisindegi 1 jolaýshydan koronavirýs infektsiiasy anyqtaldy.
