Seisenbi kúni Mysyrda 4,5 myń jyl buryn ómir súrgen Djoser perǵaýynnyń kóne mazary qalpyna keltirilgen soń qaita ashyldy, dep habarlaidy QazAqparat AR-ǵa silteme jasap.
Qorym Djoser piramidasynyń jerleý kesheni aýmaǵynda ońtústik qabir dep atalady. Negizinen jerdiń astynda ornalasqan, onda ieroglif jáne taqtalarmen bezendirilgen dálizderden turatyn labirint bar. Ortalyq qabirdiń shahtasynda Mysyrdyń úshinshi áýleti dáýirine jatatyn granitpen qaptalǵan úlken sarkofag ornalasqan.
Alaida perǵaýyn bul qorymda emes, jaqyn mańda ornalasqan Sakkaradaǵy Satyly piramidasynda jerlengen. Bul eki qurylys eldiń eń bai arheologiialyq eskertkishteriniń biri – Kair janyndaǵy Sakkara kesheniniń bir bóligi.
IýNESKO málimetinshe, satyly piramida – eń tanymal kóne piramida jáne kóne dáýirdiń monýmentaldy sáýletiniń birinshi nusqasy. Bul qurylys Gizadaǵy piramidalardyń salynýyna sebershi bolǵan dep sanalady. Mysyr eliniń Ejelgi dáýir men týrizm ministrligi mazardyń 2006 jyly bastalǵan restavratsiialyq jumysy (jerasty dálizderdi nyǵaitý, qabyrǵalardy qalpyna keltirý jáne jaryq ornatý) aiaqtalýynyń qurmetine ashylǵanyn málimdedi. Seisenbi kúni mazar kelýshiler úshin esigin ashty.
Ońtústik mazardan basqa, Sakkara ústirtinde kem degende 11 piramida, sondai-aq ejelgi bilik ókilderiniń júzdegen qorymy men basqa eskertkishter ornalasqan. Sakkara — Mysyrdyń Kair qalasynan ońtústikke qarai 30 shaqyrym jerde ornalasqan qonys.
Sakkarada Ejelgi patshalyq astanasy – Memfisa kóne nekropoli ornalasqan. Memfisa úiindileri 1970 jyldary IýNESKO-nyń Dúniejúzilik murasy tizimine engizilgen.
Elde Mysyrdyń týristik sektoryna qyzyǵýshylyq týdyrtý maqsatynda sońǵy jyly júrgizilgen arheologiia qazbalary kezinde oljalar týraly aqparat jariialandy. Týrizm salasy 2011 jylǵy kóterilis pen koronavirýs pandemiiasy saldarynan qatty zardap shekken edi.
