Álem chempionatynyń A tobyndaǵy Mysyr men Saýd Arabiiasy quramalarynyń matchy kezinde mysyrlyq "Zamalek" klýbynyń burynǵy bapkeri, qazir sport kommentatory bolǵan Abdrahim Mýhammed Negma qaitys boldy, dep habarlaidy Sputnik.
Kommentator Abdrahim Negma jergilikti telearnalardyń birinde tikelei efirde Egipet — Saýd Arabiiasy oiyny týraly pikir bildirip otyrǵan. Oiynnyń 95 minýtynda qarsylas komandanyń fýtbolshylary mysyrlyqtardyń qaqpasyna gol salǵan ýaqytta Negmanyń júregi ustap qalady.
Dárigerler onyń ómiri úshin kúresti, biraq otandastarynyń jeńilisin kórgen burynǵy fýtbolshy esin jimastan qaitys boldy.
Aita keteiik, Saýd Arabiiasy fýtboldan álem chempionatynyń toptyq kezeńinde Mysyr quramasyn 2:1 esebimen jeńdi.
Osylaisha, mysyrlyq oiynshylar óz tobyndaǵy úsh matchta da jeńilip, sońǵy oryn alǵan edi.
