ەلەم چەمپيوناتىنىڭ ا توبىنداعى مىسىر مەن ساۋد ارابيياسى قۇرامالارىنىڭ ماتچى كەزٸندە مىسىرلىق "زامالەك" كلۋبىنىڭ بۇرىنعى باپكەرٸ, قازٸر سپورت كوممەنتاتورى بولعان ابدراحيم مۋحاممەد نەگما قايتىس بولدى, دەپ حابارلايدى Sputnik.
كوممەنتاتور ابدراحيم نەگما جەرگٸلٸكتٸ تەلەارنالاردىڭ بٸرٸندە تٸكەلەي ەفيردە ەگيپەت — ساۋد ارابيياسى ويىنى تۋرالى پٸكٸر بٸلدٸرٸپ وتىرعان. ويىننىڭ 95 مينۋتىندا قارسىلاس كوماندانىڭ فۋتبولشىلارى مىسىرلىقتاردىڭ قاقپاسىنا گول سالعان ۋاقىتتا نەگمانىڭ جٷرەگٸ ۇستاپ قالادى.
دەرٸگەرلەر ونىڭ ٶمٸرٸ ٷشٸن كٷرەستٸ, بٸراق وتانداستارىنىڭ جەڭٸلٸسٸن كٶرگەن بۇرىنعى فۋتبولشى ەسٸن جيماستان قايتىس بولدى.
ايتا كەتەيٸك, ساۋد ارابيياسى فۋتبولدان ەلەم چەمپيوناتىنىڭ توپتىق كەزەڭٸندە مىسىر قۇراماسىن 2:1 ەسەبٸمەن جەڭدٸ.
وسىلايشا, مىسىرلىق ويىنشىلار ٶز توبىنداعى ٷش ماتچتا دا جەڭٸلٸپ, سوڭعى ورىن العان ەدٸ.
