Búgin Qazaq Ulttyq óner akademiiasynda Dimash Qudaibergenniń fanattarymen kezdesýi kezinde memleket jáne qoǵam qairatkeri Myrzatai Joldasbek ánshige bata berip, oǵan aqylyn aitty, dep habarlaidy QazAqparat.
Myrzatai Joldasbek: «Alla Taǵalanyń qazaqtyń mańdaiyna bergen ánshileri kóp boldy. Biraq, olardyń kóbi búgingi Dimash siiaqty shekara asyp, búkil álemdi tańǵaldyra almaǵan. Óitkeni, múmkindikteri bolmady. Ámire Qashaýbaev qana Parijge baryp án saldy» dei otyra, Dimashqa «osy tanymaldylyqty kótere bil» degen aqylyn da aitty.
«Qoi kórmegen kórgensiz qýalap júrip óltiredi» degendei, Dimash osyny kóterip ketse jaqsy bolar edi... Sen (Dimashqa qarata aitqan sózinde - agenttik) kóterip ketýiń kerek, óitkeni, halyq senen úlken úmit kútip otyr. Aldyńda talai jarys bar», - dep batasyn berdi.
Aita keteiik, ánshi Dimash Qudaibergen búgin Qazaq ulttyq óner akademiiasynda óz ustazdarymen jáne dostarymen kezdesti.
