Memleket jáne qoǵam qairatkeri, kórnekti ǵalym Myrzatai Joldasbekov «Jańa gýmanitarlyq bilim: qazaq tilindegi 100 oqýlyq» jobasynyń redaktsiialyq alqasyna múshe boldy, dep habarlaidy Ult.kz tilshisi QazAqparat agenttigine silteme jasap.
"Shyntýaityna kelgende, 100 jańa oqýlyq aýdarmasyna bizdiń keleshek urpaq muqtaj bolyp otyr. Jasyratyny joq, qazir óz elimizde, qazaq tilinde shyqqan oqýlyqtardyń kóbine jurt narazy, sapasyna kóńilderi tolmaidy. Osyny eskere otyryp jáne dúniejúzi halyqtarynyń integratsiiasy kúsheigen zamanda álemniń bedeldi oqý oryndarynyń rýhaniiat salasyndaǵy tańdaýly oqýlyqtaryn qazaq tiline aýdarý - óte igilikti jumys. Jalpy, bizdiń balalar - daryndy, talantty balalar. Álemniń túpkir-túpkirinde bolǵan baiqaýlardan báigeni sýyryp ákelgenderin jii oqimyn. Onyń ústine, mynadai sapaly aýdarmamen balalardyń bilimi tolyǵa túsedi», - dedi M.Joldasbekov Astanada ótken «Jańǵyrý 3.0: Rýhani jańǵyrý» konferentsiiasynda.
Akademik aýdarma jaýapkershiliginiń salmaqty ekenin, onyń sapasyna mán berýdi jáne oqýlyqtardyń qazaq uǵymyna sińisti bolý kerektigin basa aitty.
«Bizdiń tilegimiz de osy, jańa oqýlyqtar qazaq tiline, qazaq uǵymyna sińisti bolýy kerek. Oqýlyqtardy aýdaryp, ábden elekten ótkizgen soń, bizdiń qolymyzǵa berse, naǵyz ádebi tilge, urpaq túsinedi-aý degen qanyqty tilge yńǵailap bere alamyz», - dedi M.Joldasbekov.
Aita keteiik, Astanada «Jańǵyrý 3.0: Rýhani jańǵyrý» halyqaralyq ǵylymi-praktikalyq konferentsiiasy ótip jatyr. Onda «Jańa gýmanitarlyq bilim: qazaq tilindegi 100 oqýlyq» jobasy men qoǵamdyq sanany jańǵyrtýdyń tujyrymdamalyq máseleleri talqylanýda.
