Qazir kásipkerlerge shekteý sharalary úshin ótemaqy alǵannan, Ashyq júiesine kirip tabys tapqan tiimdi. Al ol úshin vaktsinatsiia máselesin birjola sheshý kerek. «Atameken» ulttyq kásipkerler palatasynyń basqarma tóraǵasy Abylai Myrzahmetov osyndai pikir bildirdi, dep habarlaidy QazAqparat.
Ortalyq kommýnikatsiialar qyzmetinde BAQ ókilderi Kásipkerler palatasynyń basqarma tóraǵasynan karantin shekteýleriniń kesirinen jumysy toqtaǵan kásiporyn qyzmetkerlerine kim ailyq tóleitinin surady.
«Qazir kásipkerlik nysandarynyń jumysyna 100 paiyz shekteý qoiylyp otyrǵan joq. Sondyqtan ótemaqy tóleý týraly máseleni qalai kótere alamyz? Iá, biznesmender ondai másele kóterip jatyr. Biraq bir aptadan keiin jaǵdaidy jaqsartamyz. 2 tamyzda kúshine enetin jańa qaýly tipti keibir saladaǵy kásiporyndardyń jumys ahýalyn jaqsartady. Buǵan deiin olar tolyq shekteýde boldy jáne ótemaqy tóleý máselesin kóterýge quqyly bolatyn. Endi olarǵa Ashyq júiesine kirip jumys isteýge múmkindik berilip otyr. Bir apta jumys istep kóreiik. Biz ahýalǵa monitoring júrgizip otyrmyz, biznespen udaiy bailanystamyz», - dedi palata basshysy.
Abylai Myrzahemteov shekteý kesirinen ailyqtyń bir bóliginen qaǵylǵan kásiporyn jumysshylarynyń máselesine de toqtaldy.
«Shekteýlerdiń bári demalys kúnderine qatysty. Al demalys kúni kásiporyndardyń bári jumys istei bermeidi. Bálkim qoǵamdyq tamaqtaný oryndary zardap shekken shyǵar. Eki aptanyń demalys kúnderinde qoiylǵan shekteýden bolyp qyzmetkerler sondai bir orasan aqshadan qaǵyldy dep oilamaimyn. Biznes qazir ahýaldyń kúrdeli ekenin túsinip otyr. Taǵy da aitamyn. Men áýel basta aitqanmyn. Bárimizge jaýapty bolý kerek. Túsinemin, biznesmen aqshasyn joǵaltyp jatyr. Biraq myna jaqta adamdar ómirin, densaýlyǵyn joǵaltyp jatyr. Sondyqtan syn-qater bizneske ǵana emes, bárimizge túsip otyr», - dedi Ulttyq ákispkerler palatasynyń basqarma tóraǵasy.
Sondai-aq, jumys berýshilerdi vaktsianalaý máselesine jaýapkershilikpen qaraýǵa úndedi.
«Men biznesmen áriptesterimdi eki apta shekteýmen jumys istep kórýge shaqyramyn. Osy merzimde ahýal jaqsarsa, jeńildikter týraly másele kóteremiz. Qalai bolsa da, bizge vaktsinatsiia máselesin sheshý kerek. Ol máseleni sheshpesek, qaita-qaita shekteýge tap bola beremiz. Mundai túsiniksizdik bizneske shekteýden de kóp shyǵyn ákeledi. Óitkeni, erteń ne bolatynyn bilmeitin kásipker tabysy men shyǵynyn da durys josparlai almaidy», - dedi Abylai Myrzahmetov.
