QR aýyl sharýashylyǵy ministri Asqar Myrzahmetov Qyrǵyzstannyń eks-prezidenti Almazbek Atambaevtyń málimdemesine jaýap berdi, - dep habarlaidy "Ult aqparat" kaz.tengrinews.kz portalyna silteme jasap.
Atambaev osyǵan deiin Qyrǵyzstan shekarasyndaǵy máselelerdi sheshý úshin Qazaqstandaǵy shekarany eki kúnge jaýyp tastaý jetkilikti ekenin aitqan bolatyn. Asqar Myrzahmetovtyń aitýynsha, Qyrǵyzstan mundai sheshimdi qabyldai almaidy.
Ministr óz kezeginde transshekaralyq ózenderdi paidalaný máselesi tek halyqaralyq kelisimder boiynsha júrgiziletinin eske saldy.
"Menińshe, mundai sheshimdi tek Qyrǵyz Respýblikasy tarapy qabyldai almaidy, sebebi transshekaralyq ózenderdi qoldanýǵa qatysty halyqaralyq erejeler bar. Qyrǵyzstan osy erejelerdi saqtaýy kerek. Bizdiń de esebimiz bar, jyl saiyn aýyl sharýashylyǵyna kerek taýarlardy óndirýmen ainalysatyndardy qajetti sýmen qamtamasyz etýge baǵyttalǵan sharalarymyz bar", - dedi ministr Myrzahmetov.
Sondai-aq, vedomstvo basshysy halyqaralyq erejelerde eki taraptyń da mindetteri kórsetiletini týraly aityp ótti.
