Túrkistan oblysynda sý basqan eldi mekenderden is-júzinde sý ketkeni anyqtaldy. Bul týraly "Ult aqparat" TJK silteme jasap habarlaidy.
Ótken táýlik ishinde sý basqan aýmaqtardyń aýdany 400 ga azaidy jáne 2700 gaquraidy.
Jalpy jaǵdaiǵa monitoring jasaý maqsatynda áýeden baqylaý júrgizildi, nátijesinde sý basqan eldi mekenderden is-júzinde sý ketkeni anyqtaldy.
Sonymen qatar, Nurlyjol, Firdoýsi, Órgebas, Dostyq jáne Jeńis eldi mekenderinde sý basqan 1 030 úiden sý tolyqtai soryp shyǵaryldy. 46 aýla jáne baý-baqsha ýchaskesinde sý sorý jumystary júrgizilýde.
TJ-nyń saldarynan zardap shekken halyq úshin Myrzakent kentinde 426 turǵyn úi salý josparlanýda. Qazirgi ýaqytta 180 úidiń qurylysy bastaldy. Qurylys jumystaryna 24 merdiger uiym, jalpy sany 900 adam jáne 90 birlik tehnika jumyldyryldy.
Búgingi kúni 6,2 mln astam m3 sý soryldy. Jalpy uzyndyǵy 23 shaqyrym ýaqytsha bógetter salyndy, 88 000-nan astam qap tóseldi jáne sý burý úshin 3 kollektor ornatyldy.
Sý basqan eldi mekenderde quqyqtyq tártip kúzetin qamtamasyz etý úshin 4 blokpost qoiyldy. Politsiia azamattardyń múlkiniń saqtalýyn qamtamasyz etýde.
TJ-nyń saldaryn joiý boiynsha jumystar táýlik boiy rejimde jalǵasýda. Oǵan IIM, QM, JAO jáne Ózbekstan TJM kúshteri men quraldary 1475 adam, 219 birlik tehnika, 13 júzý quraly, 207 motopompa jumyldyryldy.
