Qazaqstanda sý sharýashylyǵy salasyndaǵy mamandardyń tapshylyǵy máselesi qalai sheshilmek? Bul suraqqa QR Ekologiia, geologiia jáne tabiǵi resýrstar ministri Maǵzum Myrzaǵaliev jaýap berdi, dep habarlaidy "Ult aqparat".
«Kadrmen qamtamasyz etý máselesine bólek toqtalǵym keledi. Ókinishke qarai, sońǵy jyldary sý mamandary bul saladan kóptep ketip jatyr. 2020 jyly bizdiń bastamamyzben atalǵan salany kadrmen qamtý maqsatynda M.H.Dýlati atyndaǵy Taraz memlekettik ýniversiteti janynan sý sharýashylyǵy institýty ashyldy. Sondai-aq, biyl sý sharýashylyǵy mamandarynyń biliktiligin arttyrý maqsatynda 2 ortalyq ashyldy. Birinshisi, SQO-da, ekinshisi Almaty qalasynda», - dedi Myrzaǵaliev.
Ministrdiń aitýynsha, biyl atalǵan ortalyqtar arqyly 800 mamannyń bilimin jetildirý kózdelip otyr. Odan bólek, 15 jas mamannan turatyn kadrlyq rezerv qurylǵan.
