قازاقستاندا سۋ شارۋاشىلىعى سالاسىنداعى مامانداردىڭ تاپشىلىعى مەسەلەسٸ قالاي شەشٸلمەك? بۇل سۇراققا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ جاۋاپ بەردٸ, دەپ حابارلايدى "ۇلت اقپارات".
«كادرمەن قامتاماسىز ەتۋ مەسەلەسٸنە بٶلەك توقتالعىم كەلەدٸ. ٶكٸنٸشكە قاراي, سوڭعى جىلدارى سۋ ماماندارى بۇل سالادان كٶپتەپ كەتٸپ جاتىر. 2020 جىلى بٸزدٸڭ باستامامىزبەن اتالعان سالانى كادرمەن قامتۋ ماقساتىندا م.ح.دۋلاتي اتىنداعى تاراز مەملەكەتتٸك ۋنيۆەرسيتەتٸ جانىنان سۋ شارۋاشىلىعى ينستيتۋتى اشىلدى. سونداي-اق, بيىل سۋ شارۋاشىلىعى ماماندارىنىڭ بٸلٸكتٸلٸگٸن ارتتىرۋ ماقساتىندا 2 ورتالىق اشىلدى. بٸرٸنشٸسٸ, سقو-دا, ەكٸنشٸسٸ الماتى قالاسىندا», - دەدٸ مىرزاعاليەۆ.
مينيستردٸڭ ايتۋىنشا, بيىل اتالعان ورتالىقتار ارقىلى 800 ماماننىڭ بٸلٸمٸن جەتٸلدٸرۋ كٶزدەلٸپ وتىر. ودان بٶلەك, 15 جاس ماماننان تۇراتىن كادرلىق رەزەرۆ قۇرىلعان.
