QR Ekologiia, geologiia jáne tabiǵi resýrstar ministri Maǵzum Myrzaǵaliev Shyǵys Qazaqstan oblysyndaǵy jumys sapary barysynda Ekologiialyq retteý jáne baqylaý, Sý resýrstary, Orman sharýashylyǵy jáne janýarlar álemi, Geologiia komitetteri aýmaqtyq filialdarynyń, «Qazsýshar», «Qazgidromet» mekemeleriniń jetekshilerimen kezdesip, jiyn ótkizdi. Bul týraly "Ult aqparat" atalmysh vedomostvonyń Telegram-kanalyna silteme jasap habarlaidy.
«Qazgidromet» respýblikalyq memlekettik kásipornynyń zerthanasyn aralaǵan ministr ekologiialyq monitoring mamandarynyń jumysymen tanysty. Qaladaǵy atmosferalyq aýa sapasyn baqylaityn beketterdiń bárin avtomatizatsiialaýǵa tapsyrma berdi.
Sondai-aq M. Myrzaǵaliev qoǵam belsendilerimen, halyqpen, BAQ-pen bailanysty kúsheite túsý qajettigin atap ótti.
«Qandai aýamen demalamyz, qandai sý ishemiz, bári de bizdiń jumysymyzǵa bailanysty. Sondyqtan jergilikti halyqpen turaqty túrde kezdesý kerek. Pandemiia bolsa da, mundai jumystardy onlain rejimde jalǵastyrýǵa bolady. Basty mindetimiz - halyqpen dialog ornatyp, ashyq bolý»,- dep atap ótti ministr kezdesý barysynda.
