Búgin Túrkistan oblysynyń ákimi Janseiit Túimebaev bokstan QR ulttyq qurama komandasynyń bas jattyqtyrýshysy Myrzaǵali Aitjanovty qabyldady, dep habarlaidy oblystyq ákimdiktiń baspasóz qyzmeti.
Ekeýara áńgimede Myrzaǵali Qulanuly óńir basshysyna el quramasynyń qazirgi ýaqytta atqaryp otyrǵan jumysy men Túrkistan oblysynda boks sport túriniń damýy týraly baiandady. Sonymen birge, ol óziniń atqaryp otyrǵan jumysyn aldaǵy ýaqytta Túrkistan oblysymen bailanystyryp, ary qarai jalǵastyratynyn, sondai-aq Túrkistan oblysynda boks sportynyń jan-jaqty damýyna qoldaý bildiretinin málimdedi.
"Men burynǵy Ońtústik Qazaqstan, qazirgi Túrkistan oblysy Sairam aýdanynyń týmasymyn. Iaǵni, osy oblystyń týmasy retinde aianbai eńbek etýim kerek. Osy ýaqytqa deiin jinaǵan bar múmkindigimdi, tájirbiemdi oblystaǵy boks sportyna den qoiǵan jastar men jasóspirimderge baǵyttap, perzenttik paryzymdy oryndaǵym keledi",- dedi M.Aitjanov.
Suqbat barysynda oblys basshysy elimizdiń bas jattyqtyrýshysyna azamattyq jasaǵany úshin shynaiy alǵysyn aityp, aldaǵy ýaqyttaǵy josparlaryna jan-jaqty qoldaý bildiretinin, sondai-aq oblystaǵy dene shynyqtyrý jáne sport salasyn kúndelikti baqylaýda ustaitynyn jetkizdi.
Kezdesý sońynda, óńir basshysy kezdesýge qatysqan oblystyq dene shynyqtyrý jáne sport basqarmasy basshynyń mindetin atqarýshy A.Berdashevqa Elbasynyń Joldaýynda kórsetilgen dene shynyqtyrý jáne sport salasyna qatysty baǵyttar boiynsha birqatar naqty tapsyrmalar berdi.
