Foto: Qazaqstan boks federatsiiasy
Ulttyq quramanyń bas jattyqtyrýshysy Myrzaǵali Aitjanov doping daýyna ilikken qos boksshymyzǵa qatysty pikir bildirdi, dep habarlaidy QazAqparat.
«Bul ózi buryn bolǵan jaǵdai. Nege deseńiz, tyiym salynǵan preparattar adamnyń azǵasynda 3-4 ai, keide bir jylǵa deiin bolady. Qańtar aiynda Ulttyq dopingke qarsy ortalyq Samatáli Tóltaev pen Abzal Serikti dopingke teksergende olar synamadan óte almaǵan», - dedi bas jattyqtyrýshy sportpress.kz saityna bergen suhbatynda.
Myrzaǵali Aitjanovtyń sózine qaraǵanda, boksshylar ol quramanyń bas jattyqtyrýshysy bolyp taǵaiyndalǵanǵa deiin doping qoldanǵan. Olar ereje saqtamai júre bergen. Al ishken vitamin adam aǵzasynan jarty, tipti bir jyldan keiin de shyǵady.
«Qazir bárin ózgerttik. Boksshylarǵa tyiym salynǵan dári-dármekter, vitaminder ishpeńder dep aitamyz. Eń aldymen eskertemiz. Ulttyq quramanyń dárigeri Irek Satov eskertý jasaidy, ǵylymi toptyń basshysy Ǵaliia Bilialova sportshylarmen seminar ótkizedi. Sosyn boksshylar oqý-jattyǵý jiyndarynda dopingke tekseriledi. Olarǵa taǵy da eskertý jasalady. Qazir boksshylar demalysta. Demalysta da olarǵa tyiym salynǵan zattardy ishpeńder dep eskertý jasaimyz», - dedi ol.
