Bokstan Qazaqstan ulttyq quramasynyń bas bapkeri bolyp Ǵalymbek Kenjebaev taǵaiyndaldy. Ol bul qyzmette komandany 2009 jyldan beri jattyqtyrǵan Myrzaǵali Aitjanovty almastyrdy, dep habarlaidy "Ult aqparat" Olympic.kz saityna silteme jasap.
Málim etilgendei, Qazaqstan boks federatsiiasy usynǵan Ǵalymbek Kenjebaevtyń kandidatýrasyn QR Mədeniet jəne sport ministrligi quptaǵan.
Myrzaǵali Aitjanovtyń basshylyǵymen Qazaqstan boksshylary əlem úzdikteriniń qataryna enip, Aziiada úzdik úshtikten kórindi. Londonda Serik Səpiev, Rioda Daniiar Eleýsinov Olimpiada chempiony atandy. Aitjanovtyń basshylyǵymen qazaq boksshylary əlem chempionattarynan 5 márte altyn medal jeńip aldy (2013 jyly - 4, 2017 jyly - 1).
Myrzaǵali Aitjanov əlem úzdikterimen iyq tirestiretin myqty quram jasaqtap shyqty.
Qazaqstan boks federatsiiasy oǵan uzaq jylǵy eńbegi úshin alǵys bildirdi.
«Búginde bizdiń komanda bir orynda turyp qaldy. Birneshe jyldan beri daiyndyq barysynda ózgeris joq. Sondyqtan, biz bapkerdi aýystyryp, únemi jańashyldyq izdeitin, boksshylary keremet nətije kórsetetin jastar quramasynyń bas bapkeri Ǵalymbek Kenjebaevty usyndyq», - deidi QBF bapkerler shtabymen jumys bóliminiń basshysy Iýrii Tshai.
Ǵalymbek Kenjebaev 35 jyldan beri bapkerlik qyzmette keledi. 1998-2005 jyldar aralyǵynda Gennadii Golovkinniń jeke bapkeri boldy. 2006-2009 jyldar aralyǵynda jəne 2013 jyldan búginge deiin jastar quramasynyń bas bapkeri. Kenjebaevtyń basshylyǵymen Qazaqstan jastar quramasy jasóspirimder Olimpiadasynan 2 altyn ielenip, 5 Aziia chempionatynda jalpykomandalyq esepte 1-shi oryn ielendi.
