Ózbekstan azamattyǵynan airylýy múmkin azamattardyń jańa tizimi jariialandy. Máskeýdegi Ózbekstan elshiligi jariialaǵan jańa tizimde 1150 adamnyń aty-jóni bar.
Aqparat boiynsha, tizimde aty-jóni kórsetilgen azamattar shetelde úsh jyldan artyq jumys istegen, biraq áli kúnge deiin konsýldyq esepke turmaǵan.
"Ferǵana" aqparat agenttiniń habarlaýynsha, Ózbekstan azamattyǵynan airylýy múmkin adamdardyń basym bóligi - etnikalyq qazaqtar (947 adam). Tizimde sonymen birge ózbek, etnikalyq orys, qaraqalpaq, tatar, belarýs, korei, túrkimen siiaqty ult ókilderi bar. Olardyń jasy - 21 men 97 jas aralyǵynda.
Máskeýdegi Ózbekstan elshiliginiń habarlaýynsha, "Ózbekstan azamattyǵy týraly" zańnyń 21-babyna sáikes, aldaǵy ýaqytta bul adamdardy azamattyqtan aiyrý máselesi qaralady.
