Elordada piriamidasyn qurý faktisi boiynsha 4 qylmystyq isti tergep jatyr. Bul týraly Nur-Sultan qalalyq politsiia departamenti Kriminaldyq politsiia basqarmasynyń bastyǵy, politsiia polkovnigi Dmitrii Demidov aitty, – dep habarlaidy "Ult aqparat".
«Qazirgi ýaqytta Nur-Sultan qalalyq politsiia departamenti qarjy piriamidasyn qurý faktisi boiynsha 4 qylmystyq isti tergep jatyr. Olardyń ishinde bárine belgili «ESTATE Lombard», «Vygodnyi zaim», «Garant 24 Lombard» syndy iri faktiler de bar. Sonymen qatar oiyn túrindegi «Qazandyq» dep atalatyn qarjy piramidasy tirkelgen. Búginde iri qarjy piramidasy men internet alaiaqtyq jasaǵa kúdiktilerdiń basym bóligi ustaldy. Atap aitqanda, «ESTATE Lombard» qarjy piramidasynyń 6 uiymdastyrýshysy anyqtalyp, tórteýi ustaldy jáne ekeýi izdestirilip jatyr. «Vygodnyi zaim» boiynsha 2 uiymdastyrýshy ustalyp, bireýi tergelýde. Ekinshisi de eshqaida ketpeý týraly qolhatpen tergeý sharalaryna qatysady. Qazirgi ýaqytta zardap shegýshilerdi jinap jatyrmyz», - Dmitrii Demidov.
Nur-Sultan qalalyq politsiia departamenti baspasóz qyzmetiniń málimetinshe, «ESTATE Lombard» JShS-nan 236 adam zardap shekken. Olar 682 mln teńge qarajattarynan aiyrylyp otyr. Al «Vygodnyi zaim» JShS-nan zardap shekkender 159 adamǵa jetip otyr. Bul azamattar da 90 mln teńgelerinen qaǵylǵan. 891 adam 3 mlrd 155 mln teńgelerin «Grant 24 Lombard» JShS-na salyp jibergen.
Munan bólek, «WhatsApp» messendjerinde «Realnye dohody-1» jáne «Realnye dohody-2» toby qarjylyq piramidasyn qurǵany úshin A.Tuńǵyshbekova men L.Altaevaǵa qatysty qylmystyq is tergep-tekserilýde. Olarǵa qatysty «kúzetpen ustaý» túrindegi bultartpaý sharasy tańdalǵan.
