"Elbasy Nursultan Nazarbaev «QazMunaiGaz» UK» AQ basqarmasynyń tóraǵasy Saýat Myńbaevty qabyldady", - dep habarlaidy "Ult aqparat" Aqordaǵa silteme jasap.
S.Myńbaev Qazaqstan Prezidentine ulttyq kompaniianyń 2016 jylǵy 9 aidaǵy jumysynyń qorytyndylary men taiaý keleshekke arnalǵan josparlary týraly baiandady.
Kezdesýde kompaniianyń óndiristik-qarjylyq jáne áleýmettik saladaǵy qyzmetine, sondai-aq jańa jobalardy iske asyrýyna qatysty máseleler qarastyryldy.
Budan bólek, Memleket basshysyna munai-gaz óńdeý ónerkásibindegi iri jobalardyń iske asyrylý barysy, sonyń ishinde Teńiz ken ornynyń óndiristik qýattylyǵyn arttyrý, Qashaǵandaǵy alǵashqy kezeńdegi jumystar, Qarashyǵanaq ken ornyn damytýdyń perspektivalary jóninde habarlandy.
«QazMunaiGaz» AQ basshysy munai baǵasynyń tómendegenine qaramastan, kompaniia óndirgen jáne óńdegen munai kóleminiń arta túskenin aitty.
Nursultan Nazarbaev kezdesý qorytyndysy boiynsha birqatar naqty tapsyrma berdi.
