Jeke tulǵalardyń memleketten 42 500 teńge mólsherinde áleýmettik tólem alýynyń zańdylyǵy tekserilmeidi. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
Brifing barysynda ministrge «Memleketten 42 500 teńge áleýmettik tólemdi zańsyz alǵandar jaýapqa tartyla ma?» degen suraq qoiylǵan edi.
«Mynadai qiyn kezeńde bir-birimizge túsinistikpen qaraýymyz kerek. Memleket tarapynan Eńbek ministrligi retinde eshkimdi tergep, «dáleldeńder, qujat ótkizińizder» dep jatqanymyz joq. Bárin qarapaiym jasap qoidyq. Ózderińiz úshin mynany sheship alyńyzdar: «Men tirshilik jasap, aqsha taptym ba? Sol aqshadan qazir aiyryldym ba?». Solai ekendigine senimdi bolyp, ótinish berdińiz. Sóitip, ótinish bergende portalda bolsyn, basqa jerde bolsyn tómendegi jazbada «Ai saiyn taýyp júrgen aqsham bolǵan, sodan aiyryldym» dep belgiledińiz. Biz sizge sendik, tóledik», - dedi Birjan Nurymbetov.
Sonymen qatar ol aldaǵy ýaqytta jumys berýshiler tekseriletindigin basa aitty.
«Al jeke tulǵalarǵa úiine baryp tekserý bolmaidy. Bul jerde bylai, siz aittyńyz, biz sendik. 42 500 teńge aldyńyz ba, alyńyz, jaratyńyz. Ai saiyn tólep turamyz», - dedi ministr.
