Almatyda TJD muz astyna túsip ketken balalardyń óliminen soń málimdeme jasady, dep habarlaidy "Ult aqparat".
«Aýa temperatýrasynyń kóterilýine bailanysty aqpannyń basynda Almaty territoriiasyndaǵy barlyq sý qoimalaryndaǵy muz jabyndysy juqaryp tur. Kóbinese osyndai sátte sý ústinde oinaǵan balalarǵa qaýip tónedi. Búgin Alataý aýdanynda Terekti aýyly mańynda jasandy káriz kollektorynyń janynan 3 mektep sómkesi tabyldy. Oqiǵa ornyna QR IIM TJK Respýblikalyq qutqarý jasaǵynyń 7 múshesi jiberildi. Balalardyń múrdesi sýdan alyp shyǵaryldy», - dedi TJD baspasóz qyzmetinen.
Qazir atalǵan oqiǵaǵa bailanysty qala ákimi Baqytjan Saǵyntaevtyń tapsyrýymen jumys toby quryldy.
Osyǵan bailanysty TJD qala turǵyndaryna sý qoimalarynyń mańaiyna barýǵa tyiym saldy.
«Eń úlken qaýip sýdyń ortasynda. Kóktemge taman sý aǵatyn qubyrlardyń, kópirlerdiń mańy qaýipti. Muzdyń qalyńdyǵyn aiaqpen teýip bilýge bolmaidy. Toppen júrgen jaǵdaida muzdyń ústinde bir jerge toptalyp alýǵa bolmaidy. Muz astyna túsip ketken jaǵdaida qulaǵan tusyńyzǵa barýǵa tyrysyńyz. Aldymen keýdeni sodan soń bir aiaqty shyǵarýǵa tyrysý kerek. Jer betine shyqqan soń jatyp demalýǵa bolmaidy. Tek jyly jerde ǵana demalý kerek», - dedi TJD mamandary.
