الماتىدا تجد مۇز استىنا تٷسٸپ كەتكەن بالالاردىڭ ٶلٸمٸنەن سوڭ مەلٸمدەمە جاسادى, دەپ حابارلايدى "ۇلت اقپارات".
«اۋا تەمپەراتۋراسىنىڭ كٶتەرٸلۋٸنە بايلانىستى اقپاننىڭ باسىندا الماتى تەرريتوريياسىنداعى بارلىق سۋ قويمالارىنداعى مۇز جابىندىسى جۇقارىپ تۇر. كٶبٸنەسە وسىنداي سەتتە سۋ ٷستٸندە ويناعان بالالارعا قاۋٸپ تٶنەدٸ. بٷگٸن الاتاۋ اۋدانىندا تەرەكتٸ اۋىلى ماڭىندا جاساندى كەرٸز كوللەكتورىنىڭ جانىنان 3 مەكتەپ سٶمكەسٸ تابىلدى. وقيعا ورنىنا قر ٸٸم تجك رەسپۋبليكالىق قۇتقارۋ جاساعىنىڭ 7 مٷشەسٸ جٸبەرٸلدٸ. بالالاردىڭ مٷردەسٸ سۋدان الىپ شىعارىلدى», - دەدٸ تجد باسپاسٶز قىزمەتٸنەن.
قازٸر اتالعان وقيعاعا بايلانىستى قالا ەكٸمٸ باقىتجان ساعىنتاەۆتىڭ تاپسىرۋىمەن جۇمىس توبى قۇرىلدى.
وسىعان بايلانىستى تجد قالا تۇرعىندارىنا سۋ قويمالارىنىڭ ماڭايىنا بارۋعا تىيىم سالدى.
«ەڭ ٷلكەن قاۋٸپ سۋدىڭ ورتاسىندا. كٶكتەمگە تامان سۋ اعاتىن قۇبىرلاردىڭ, كٶپٸرلەردٸڭ ماڭى قاۋٸپتٸ. مۇزدىڭ قالىڭدىعىن اياقپەن تەۋٸپ بٸلۋگە بولمايدى. توپپەن جٷرگەن جاعدايدا مۇزدىڭ ٷستٸندە بٸر جەرگە توپتالىپ الۋعا بولمايدى. مۇز استىنا تٷسٸپ كەتكەن جاعدايدا قۇلاعان تۇسىڭىزعا بارۋعا تىرىسىڭىز. الدىمەن كەۋدەنٸ سودان سوڭ بٸر اياقتى شىعارۋعا تىرىسۋ كەرەك. جەر بەتٸنە شىققان سوڭ جاتىپ دەمالۋعا بولمايدى. تەك جىلى جەردە عانا دەمالۋ كەرەك», - دەدٸ تجد ماماندارى.
