Adamzat tehnologiialyq aqiqattyń jańa dáýirine aiaq basty, búgingi tańda álemde tehnologiia kóz ilespes shapshańdyqpen damyp jatyr, bylaisha aitqanda tehnologiialyq revoliýtsiia kezeńi bastaldy. Qazaqstannyń aldynda osy uly ózgeristerdiń trendinde bolý mindeti tur. Buǵan qazirgi zamanǵy memlekettiń resýrstyq bazasyn damytý isine sandyq tehnologiialardy engizý mańyzdy ról atqarady.
Qazaqstan Respýblikasy Ulttyq Mýzeii óziniń qoryndaǵy jádigerlerdi sandyq júiege kóshirýge kiristi, bul óz kezeginde budan da keń masshtabtaǵy máseleni sheshýge alyp keledi – Memlekettik katalog qurylady.
Qazaqstan Respýblikasy Ulttyq Mýzeiiniń sandyq infraqurylymyn jasaqtaý elimizdiń mýzeileri úshin jańa múmkindikterge jol ashyp, sandyq júiege kóshken Qazaqstan mýzeilik kollektsiialary men mýzei jádigerlerine otandyq jáne sheteldik tuttynýshylardyń qoljetimdiligin arttyratyn respýblika mýzeileriniń biryńǵai aqparattyq keńistigin jasaý jolyndaǵy alǵashqy qadam bolyp tabylady.
3 D modelin jasaqtaý men Qazaqstannyń kieli oryndary týraly málimetter bazasyn jasaý qasietti oryndardy annotatsiiasymen birge 3D formatynda kórsete alatyn «Qasietti Qazaqstan» kartasyn usynýǵa múmkindik beredi, osy arqyly kieli oryndardy brendingteý múmkindigi artyp, ishki jáne syrtqy týrister legi kóbeiedi.
Qazaqstan Respýblikasy Ulttyq Mýzeiiniń turaqty ekspozitsisynyń mýltimedialyq nusqasy olardy sandyq aýditoriiaǵa keńinen taratýǵa jol ashady. Qazaqstan Respýblikasy Ulttyq Mýzeiiniń sandyq júiedegi qatysýshysyn tartý arqyly óziniń ekspozitsiianyń nasihatyn ǵana júrgizip qoimaidy, sonymen qatar elimizdiń tarihi-mádeni murasyna qoljetimdilikti qamtamasyz etedi. Eger buǵan deiin barlyq jádigerler mýzeige kelgen kelýshilerge ǵana qoljetimdi bolsa, endi barlyq eksponattar modeli 3D-formatyndaǵy sandyq júiege kóshýiniń arqasynda barshanyń kózqýanyshy bola alady, ǵalamtordy paidalanýshylar sandyq júiedegi dúnielerdi tamashalaýmen birge, mýzeidiń saity arqyly zaldardy kelýshilermen birge aralap júrgendei áser ala alady.
«Memlekettik katalog» júiesine keletin bolsaq, bul elimizdiń mádeni-sport bas vedomstvosyna tiimdi basqarý esebin júrgizýge múmkindik beredi, elektrondy paidalanýshylar – mýzei qoryndaǵy 3D-modelindegi kez kelgen eksponatqa kózdi ashyp-jumǵansha qol jetkize alady.
«Virtýaldy týr» jobasy «Qazaqstannyń kieli jerleri» tizimine engen nysanǵa onlain rejiminde kedergisiz kire alady. Munyń eń mańyzdysy osy ushqyr jobalardyń qorytyndysymen kúndelikti túzetýler engizip, artynan qazaqstandyq mýzeilerdiń barlyǵyna taratý josparlanǵan.
Ótken jyldan bastap QR Ulttyq Mýzeiiniń bazasynda ekspeditsiialyq jumys toby qurylyp, memorialdyq keshen men kieli oryndardy sandyq júiege kóshirý jumystaryn jańǵyrtty.
Kúni búginge respýblika kieli mekenderiniń 13 nysany men mýzei qoryndaǵy 200 jádiger sandyq júiege kóshirilip, artynan óńdeýden ótkizilip, olar boiynsha 3D-virtýaldy týrlar jasaqtaldy.
Qazirgi kezde sandyq júiege kóshirilgen materialdardy ońtailandyryp, sońǵy úlgidegi joǵary tehnologiialy jabdyqtarmen jabdyqtalǵan «Qazaqstannyń halyq Qazynasy» jańa kórme zalyna ornatý úshin alys-beris protsesi júrgizilý ústinde.
Sandyq tehnologiiany engizý qolda bar baǵa jetpes mádeni muralardyń saqtalýyn qamtamasyz etip, keler urpaqqa shashaý shyǵarmai jetkizýge múmkindik beredi, sonymen qatar ǵylymi jumystarmen izdenýshilerge saqtaýda turǵan qundylyqtar týraly aqparatqa jedel qol jetkizýge kómektesedi, mýzei jádigerlerine qyzyǵýshy aýditoriiaǵa qaltqysyz qyzmet jasaidy, tipti belgili bir sebeptermen mýzeige aiaqtai kele almai júrgenderdiń ózin «qolynan jetektep» ákeledi.
A.Qabaev,
Qazaqstan Respýblikasy Ulttyq Mýzeiiniń
media qural-jabdyqtarǵa qyzmet kórsetý bólimi jetekshisi.
