ادامزات تەحنولوگييالىق اقيقاتتىڭ جاڭا دەۋٸرٸنە اياق باستى, بٷگٸنگٸ تاڭدا ەلەمدە تەحنولوگييا كٶز ٸلەسپەس شاپشاڭدىقپەن دامىپ جاتىر, بىلايشا ايتقاندا تەحنولوگييالىق رەۆوليۋتسييا كەزەڭٸ باستالدى. قازاقستاننىڭ الدىندا وسى ۇلى ٶزگەرٸستەردٸڭ ترەندٸندە بولۋ مٸندەتٸ تۇر. بۇعان قازٸرگٸ زامانعى مەملەكەتتٸڭ رەسۋرستىق بازاسىن دامىتۋ ٸسٸنە ساندىق تەحنولوگييالاردى ەنگٸزۋ ماڭىزدى رٶل اتقارادى.
قازاقستان رەسپۋبليكاسى ۇلتتىق مۋزەيٸ ٶزٸنٸڭ قورىنداعى جەدٸگەرلەردٸ ساندىق جٷيەگە كٶشٸرۋگە كٸرٸستٸ, بۇل ٶز كەزەگٸندە بۇدان دا كەڭ ماسشتابتاعى مەسەلەنٸ شەشۋگە الىپ كەلەدٸ – مەملەكەتتٸك كاتالوگ قۇرىلادى.
قازاقستان رەسپۋبليكاسى ۇلتتىق مۋزەيٸنٸڭ ساندىق ينفراقۇرىلىمىن جاساقتاۋ ەلٸمٸزدٸڭ مۋزەيلەرٸ ٷشٸن جاڭا مٷمكٸندٸكتەرگە جول اشىپ, ساندىق جٷيەگە كٶشكەن قازاقستان مۋزەيلٸك كوللەكتسييالارى مەن مۋزەي جەدٸگەرلەرٸنە وتاندىق جەنە شەتەلدٸك تۇتتىنۋشىلاردىڭ قولجەتٸمدٸلٸگٸن ارتتىراتىن رەسپۋبليكا مۋزەيلەرٸنٸڭ بٸرىڭعاي اقپاراتتىق كەڭٸستٸگٸن جاساۋ جولىنداعى العاشقى قادام بولىپ تابىلادى.
3 D مودەلٸن جاساقتاۋ مەن قازاقستاننىڭ كيەلٸ ورىندارى تۋرالى مەلٸمەتتەر بازاسىن جاساۋ قاسيەتتٸ ورىنداردى اننوتاتسيياسىمەن بٸرگە 3D فورماتىندا كٶرسەتە الاتىن «قاسيەتتٸ قازاقستان» كارتاسىن ۇسىنۋعا مٷمكٸندٸك بەرەدٸ, وسى ارقىلى كيەلٸ ورىنداردى برەندينگتەۋ مٷمكٸندٸگٸ ارتىپ, ٸشكٸ جەنە سىرتقى تۋريستەر لەگٸ كٶبەيەدٸ.
قازاقستان رەسپۋبليكاسى ۇلتتىق مۋزەيٸنٸڭ تۇراقتى ەكسپوزيتسيسىنىڭ مۋلتيمەديالىق نۇسقاسى ولاردى ساندىق اۋديتوريياعا كەڭٸنەن تاراتۋعا جول اشادى. قازاقستان رەسپۋبليكاسى ۇلتتىق مۋزەيٸنٸڭ ساندىق جٷيەدەگٸ قاتىسۋشىسىن تارتۋ ارقىلى ٶزٸنٸڭ ەكسپوزيتسييانىڭ ناسيحاتىن عانا جٷرگٸزٸپ قويمايدى, سونىمەن قاتار ەلٸمٸزدٸڭ تاريحي-مەدەني مۇراسىنا قولجەتٸمدٸلٸكتٸ قامتاماسىز ەتەدٸ. ەگەر بۇعان دەيٸن بارلىق جەدٸگەرلەر مۋزەيگە كەلگەن كەلۋشٸلەرگە عانا قولجەتٸمدٸ بولسا, ەندٸ بارلىق ەكسپوناتتار مودەلٸ 3D-فورماتىنداعى ساندىق جٷيەگە كٶشۋٸنٸڭ ارقاسىندا بارشانىڭ كٶزقۋانىشى بولا الادى, عالامتوردى پايدالانۋشىلار ساندىق جٷيەدەگٸ دٷنيەلەردٸ تاماشالاۋمەن بٸرگە, مۋزەيدٸڭ سايتى ارقىلى زالداردى كەلۋشٸلەرمەن بٸرگە ارالاپ جٷرگەندەي ەسەر الا الادى.
«مەملەكەتتٸك كاتالوگ» جٷيەسٸنە كەلەتٸن بولساق, بۇل ەلٸمٸزدٸڭ مەدەني-سپورت باس ۆەدومستۆوسىنا تيٸمدٸ باسقارۋ ەسەبٸن جٷرگٸزۋگە مٷمكٸندٸك بەرەدٸ, ەلەكتروندى پايدالانۋشىلار – مۋزەي قورىنداعى 3D-مودەلٸندەگٸ كەز كەلگەن ەكسپوناتقا كٶزدٸ اشىپ-جۇمعانشا قول جەتكٸزە الادى.
«ۆيرتۋالدى تۋر» جوباسى «قازاقستاننىڭ كيەلٸ جەرلەرٸ» تٸزٸمٸنە ەنگەن نىسانعا ونلاين رەجيمٸندە كەدەرگٸسٸز كٸرە الادى. مۇنىڭ ەڭ ماڭىزدىسى وسى ۇشقىر جوبالاردىڭ قورىتىندىسىمەن كٷندەلٸكتٸ تٷزەتۋلەر ەنگٸزٸپ, ارتىنان قازاقستاندىق مۋزەيلەردٸڭ بارلىعىنا تاراتۋ جوسپارلانعان.
ٶتكەن جىلدان باستاپ قر ۇلتتىق مۋزەيٸنٸڭ بازاسىندا ەكسپەديتسييالىق جۇمىس توبى قۇرىلىپ, مەموريالدىق كەشەن مەن كيەلٸ ورىنداردى ساندىق جٷيەگە كٶشٸرۋ جۇمىستارىن جاڭعىرتتى.
كٷنٸ بٷگٸنگە رەسپۋبليكا كيەلٸ مەكەندەرٸنٸڭ 13 نىسانى مەن مۋزەي قورىنداعى 200 جەدٸگەر ساندىق جٷيەگە كٶشٸرٸلٸپ, ارتىنان ٶڭدەۋدەن ٶتكٸزٸلٸپ, ولار بويىنشا 3D-ۆيرتۋالدى تۋرلار جاساقتالدى.
قازٸرگٸ كەزدە ساندىق جٷيەگە كٶشٸرٸلگەن ماتەريالداردى وڭتايلاندىرىپ, سوڭعى ٷلگٸدەگٸ جوعارى تەحنولوگييالى جابدىقتارمەن جابدىقتالعان «قازاقستاننىڭ حالىق قازىناسى» جاڭا كٶرمە زالىنا ورناتۋ ٷشٸن الىس-بەرٸس پروتسەسٸ جٷرگٸزٸلۋ ٷستٸندە.
ساندىق تەحنولوگييانى ەنگٸزۋ قولدا بار باعا جەتپەس مەدەني مۇرالاردىڭ ساقتالۋىن قامتاماسىز ەتٸپ, كەلەر ۇرپاققا شاشاۋ شىعارماي جەتكٸزۋگە مٷمكٸندٸك بەرەدٸ, سونىمەن قاتار عىلىمي جۇمىستارمەن ٸزدەنۋشٸلەرگە ساقتاۋدا تۇرعان قۇندىلىقتار تۋرالى اقپاراتقا جەدەل قول جەتكٸزۋگە كٶمەكتەسەدٸ, مۋزەي جەدٸگەرلەرٸنە قىزىعۋشى اۋديتوريياعا قالتقىسىز قىزمەت جاسايدى, تٸپتٸ بەلگٸلٸ بٸر سەبەپتەرمەن مۋزەيگە اياقتاي كەلە الماي جٷرگەندەردٸڭ ٶزٸن «قولىنان جەتەكتەپ» ەكەلەدٸ.
ا.قاباەۆ,
قازاقستان رەسپۋبليكاسى ۇلتتىق مۋزەيٸنٸڭ
مەديا قۇرال-جابدىقتارعا قىزمەت كٶرسەتۋ بٶلٸمٸ جەتەكشٸسٸ.
