Londonda qyzyn uzatqan «Qazatomónerkásip» ulttyq kompaniiasynyń burynǵy basshysy Muhtar Jákishev sheteldik qudalaryn Almatyda kútip aldy, dep habarlaidy ult.kz Politico.kz saityna siltep.
Kúni keshe belgili kásipkerdiń 1999 jylǵy qyzy Altynai Ulybritaniia astanasynda nekesin qiǵan bolatyn. Endi eki jastyń otbasy qýanyshty qazaq jerinde jalǵastyryp jatyr. Sheteldik qudaǵi Ene Obi óziniń áleýmettik jelidegi paraqshasynda Almatydaǵy saparynan erekshe áser alǵanyn jazyp, taý bókterindegi demalysymen bólisti.
Kadrlardan sheteldik meimandardyń Shymbulaqqa baryp, ulttyq kiimmen sadaq atyp, atqa mingenin kórýge bolady. Olar taza aýada altybaqan teýip, qazaqtyń dástúrli kelin túsirý joralǵysyn da tamashalaǵan.
«Búgin biz qazaq mádenieti men tarihyn jaqynyraq taný úshin taýǵa bardyq, onda atqa minip, sadaq atyp, dástúrli qazaq toiynyń kórinisin kórdik. Úige oralǵan soń Altynai maǵan arnaiy massaj uiymdastyryp berdi, Aziia men Afrikadaǵy massajdyń jóni bólek qoi, olar boiyńdaǵy barlyq túiindi taýyp, sergitip tastaidy», — dedi Ene Obi.
Sondai-aq ol jańa qudalarynyń qonaqjailyǵyna tánti bolǵanyn jasyrmady.
«Saiahat álemdi kórýge ǵana emes, bul ǵajaiyp dúnieden kóp nárseni úirenýge de úlken múmkindik beredi, Almatyǵa kelip, qudalarymyzben tanysqanyma óte rizamyn», — dedi ol.
