Foto: © pixabay.com/SandraTropp
Pákistan halyqaralyq áýejelisiniń (PIA) stiýardessasy Kanadaǵa reisten keiin joǵalyp ketti. Bul birinshi ret emes eken, osyǵan deiin de musylman eliniń ulttyq tasymaldaýshysynyń ekipaj músheleri joǵalǵany aitylady, - dep habarlaidy Tengritravel.kz saity The Media Line basylymyna silteme jasap.
Faiza Mýhtar 19 qańtarda Islamabadtan Torontoǵa kelgen jáne kelesi kúni Karachige ushý kerek bolǵan. Alaida belgilengen ýaqytta qyz jumysqa kelmei, bailanysqa shyqpai qoiǵan.
Derekkóz málimetinshe, PIA qyzmetkerleri sonaý 2018 jyldan beri áýekompaniiadaǵy jumysynan qashyp, basqa elderden pana suraityn bolǵan. Mundai jaǵdai jii bolyp turatyn kórinedi. 2023 jyldyń ózinde Kanadada kem degende jeti adam qalyp qoiǵan.
Áýekompaniia ókilderi bul úshin Kanada biligin (bosqyndarǵa qatysty liberaldy saiasatty ustanǵany úshin) kinálaidy. Tasymaldaýshy mundai "qashqyn" qyzmetkerlerin jumystan bosatyp, sot arqyly Pákistanǵa qaitarýdy talap etetinderin málimdedi. Alaida basqa da málimetter boiynsha, qashýdyń basty sebebi: jalaqynyń tym tómen bolýy jáne eldegi ekonomikalyq jaǵdai.
