Memleket basshysy Qasym-Jomart Toqaev Tsifrlyq damý, innovatsiialar jáne aeroǵarysh ónerkásibi ministri Baǵdat Mýsindi qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa memlekettik basqarý júiesin jetildirý maqsatymen júzege asyrylyp jatqan tsifrlyq transformatsiia jumystarynyń barysy jáne ministrliktiń biylǵy qyzmetiniń qorytyndylary týraly esep berildi.
Prezidentke memlekettik qyzmet usyný fýnktsiiasynyń biznes-protsesterine qatysty reinjiniringteý jumystarynyń aralyq nátijeleri, sybailas jemqorlyqqa qarsy is-qimyldaǵy tsifrlandyrýdyń róli jóninde baiandaldy. Azamattardyń naqty tirshilik jaǵdaiyna qatysty 110 biznes-protsess qaita qaraldy. Atap aitqanda, júrgizýshi kýáligin shyǵarý, múgedektikti anyqtaý jáne járdemaqylardy esepteýdi jedeldetý, sondai-aq aýyl sharýashylyǵy salasynda sýbsidiia alý úshin jańa ádister engizý protsesin transformatsiialaý tájiribesi usynyldy.
Qasym-Jomart Toqaev tsifrly vitse-ministrlerge arnalǵan KPI men olardyń jumystaryna beriletin baǵaǵa qatysty kriteriilerdi, sondai-aq 2022 jyldan bastap barlyq memlekettik qyzmetshilerge tsifrlyq quziretterdi oqytý jónindegi vedomstvonyń bastamasyn qoldady. Sonymen qatar Prezident tsifrlyq transformatsiianyń tabysty bolýy úshin árbir qyzmetshi tsifrlyq daǵdylardyń qajetti kólemin bilýge tiis ekenin atap ótti.
Biyl vedomstvo tekserýler sanyn 500 paiyzǵa kóbeitti. Sonyń nátijesinde bailanys sapasynyń ólshemderin saqtamaǵany úshin operatorlarǵa aiyppul salynǵan. Qabyldanǵan sharalar 532 aýyldaǵy bailanys sapasyn jaqsartýǵa múmkindik berdi.
«HQKO» mobildi qosymshasynda beinekonsýltatsiia arqyly kórsetiletin memlekettik qyzmetter pilottyq rejimde qoljetimdi. Qazirgi ýaqytta 34 anyqtamanyń tsifrlyq ainalym múmkindigi júzege asyrylǵan. eGov mobile mobildi qosymshasynda qujattardyń 18 túrin qamtityn «Tsifrlyq qujat» servisi iske asyryldy. Búginde bul qyzmetti 6 million adam paidalanǵan.
Budan bólek Baǵdat Mýsin Qasym-Jomart Toqaevqa IT jáne ǵarysh salalaryn damytýdyń qazirgi jumystary men jospary jóninde baiandady.
