QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qazaqstanda shekarasynda endi saýalnama smartfonmen toltyrylatynyn aitty. Bul týraly ministri óziniń Facebook paraqshasynda jazdy, dep habarlaidy "Ult aqparat".
«Reseiden Qazaqstanǵa qaitar joldaǵy shekarada bizdiń elge qarai ótkenderge saýalnama toltyrýdy synaqtan ótkizdim. Bir aita keterlegi, osy ýaqytqa deiin saýalnamalar qaǵazǵa toltyrylyp keldi. Endi mundaiǵa jol berilmeidi. Qyzmetkerler kún saiyn júiege 1000 qaǵaz saýalnamanyń málimetterin engizedi eken! Qolmen! Biz ony sandyq formatqa aýystyramyz. Qosymshany júkteýdiń qajeti joq, tek QR kodyn skanerlep, smartfonnan saýalnamany toltyryńyz! Veb-resýrs qoljetimdi, onda tutynýshy saýalnamany aldyn-ala toltyrady. Mundai qyzmetter Eýropa elderinde sátti júzege asyryldy. Tek QR-kodty skanerlep, saýalnamany toltyryp, ótip ketesiz. Epidemiologtar jumystan keiin otyryp, málimetter bazasyn toltyrýdyń ornyna sol ýaqytyn týystary men dostaryna arnasa deimiz! Magným kompaniiasynyń ujymyna jáne jobany iske asyrǵan álem mektepterine (Dagar men Artem) alǵysymdy bildirgim keledi», - dep jazdy Mýsin.
