قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازاقستاندا شەكاراسىندا ەندٸ ساۋالناما سمارتفونمەن تولتىرىلاتىنىن ايتتى. بۇل تۋرالى مينيسترٸ ٶزٸنٸڭ Facebook پاراقشاسىندا جازدى, دەپ حابارلايدى "ۇلت اقپارات".
«رەسەيدەن قازاقستانعا قايتار جولداعى شەكارادا بٸزدٸڭ ەلگە قاراي ٶتكەندەرگە ساۋالناما تولتىرۋدى سىناقتان ٶتكٸزدٸم. بٸر ايتا كەتەرلەگٸ, وسى ۋاقىتقا دەيٸن ساۋالنامالار قاعازعا تولتىرىلىپ كەلدٸ. ەندٸ مۇندايعا جول بەرٸلمەيدٸ. قىزمەتكەرلەر كٷن سايىن جٷيەگە 1000 قاعاز ساۋالنامانىڭ مەلٸمەتتەرٸن ەنگٸزەدٸ ەكەن! قولمەن! بٸز ونى ساندىق فورماتقا اۋىستىرامىز. قوسىمشانى جٷكتەۋدٸڭ قاجەتٸ جوق, تەك QR كودىن سكانەرلەپ, سمارتفوننان ساۋالنامانى تولتىرىڭىز! ۆەب-رەسۋرس قولجەتٸمدٸ, وندا تۇتىنۋشى ساۋالنامانى الدىن-الا تولتىرادى. مۇنداي قىزمەتتەر ەۋروپا ەلدەرٸندە سەتتٸ جٷزەگە اسىرىلدى. تەك QR-كودتى سكانەرلەپ, ساۋالنامانى تولتىرىپ, ٶتٸپ كەتەسٸز. ەپيدەميولوگتار جۇمىستان كەيٸن وتىرىپ, مەلٸمەتتەر بازاسىن تولتىرۋدىڭ ورنىنا سول ۋاقىتىن تۋىستارى مەن دوستارىنا ارناسا دەيمٸز! ماگنۋم كومپانيياسىنىڭ ۇجىمىنا جەنە جوبانى ٸسكە اسىرعان ەلەم مەكتەپتەرٸنە (داگار مەن ارتەم) العىسىمدى بٸلدٸرگٸم كەلەدٸ», - دەپ جازدى مۋسين.
