Baǵdat Mýsin QR Prezidentiniń tsifrlandyrý jáne innovatsiialyq tehnologiialar jónindegi keńesshisi qyzmetine taǵaiyndaldy. Bul týraly Aqordanyń baspasóz qyzmeti habarlady.
«Memleket basshysynyń ókimimen Baǵdat Batyrbekuly Mýsin Qazaqstan Respýblikasy Prezidentiniń tsifrlandyrý jáne innovatsiialyq tehnologiialar jónindegi keńesshisi qyzmetine taǵaiyndaldy» delingen habarlamada.
Baǵdat Mýsin 1983 jyly 3 naýryzda Pavlodar oblysynda dúniege keldi. Súleimen Demirel atyndaǵy ýniversitetti, Qazaq quqyqtaný jáne halyqaralyq qatynastar institýtyn bitirgen.
2011 jáne 2012 jyldar aralyǵynda QR BAM Memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń orynbasary boldy.
2012 jyldan bastap QR Kólik jáne kommýnikatsiia ministrliginiń Memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń laýazymyn atqardy.
2014 jyldyń sáýirinde «Ulttyq aqparattyq tehnologiialar» AQ Basqarma tóraǵasy bolyp taǵaiyndaldy.
2017 jyly 25 qańtarda Qazaqstan Respýblikasy Bas prokýratýrasynyń Quqyqtyq statistika jáne arnaýly esepke alý komitetiniń tóraǵasy qyzmetine taǵaiyndaldy. Oǵan deiin «Qazpochta» AQ basqarmasynyń tóraǵasy qyzmetin atqardy.
