Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «qupiia satyp alýshy» retinde Nur-Sultan qalasyndaǵy halyqqa qyzmet kórsetý ortalyǵyna bardy, dep habarlaidy "Ult aqparat".
Baǵdat Mýsin ondaǵy 2 máselege nazar aýdardy.
«Birinshiden, túbirtekti tóleý barysyndaǵy komissiianyń qymbat bolýy. Biz tólem júiesin Kaspi-men birge QR-kod arqyly biriktirip bir qadam alǵa jyljydyq. Kelesi qadam - HKO-da «adami» komissiialar úshin qyzmet kórsetýge daiyn operator ekinshi deńgeidegi bankterdiń kelýi úshin konkýrs ótkizý. Qazir bolyp jatqan jaǵdai - bul naǵyz halyqty tonaý. Aitalyq 450-den 3 000 teńgege deiin ústemaqy bar. Elimizdiń barlyq óńirlerinde osy máseleni shilde aiynyń sońyna deiin sheshý mindettedim», - dedi ministr.
Ekinshiden, aýqymdy migratsiia. Olar HKO-ǵa barǵanda kezek paida bolady. Sol kezde bir ǵana tereze jumys istep turady.
«Biz máseleni sheshý úshin qai ýaqytta kóp nemese az adam keletinin anyqtaimyz. IIM-men birlesip máseleni pysyqtaimyz, qazirdiń ózinde vitse-ministrmen habarlasyp, birlesip jumys isteýge kelistik. 8-shi terezede kóshi-qon máselesimen ainalysatyn qyzmetker qabyldaýy kerek, al ol 13:00-den bastap 16:00-ge deiin bolǵan joq! Bul týraly IIM áriptesterine habarladym. HKO-lar, óz kezeginde, eńbek migranttarynyń aýqymdy aǵymyn eskere otyryp, qyzmet kórsetý úshin qosymsha terezeler uiymdastyrýy kerek», - dedi Baǵdat Mýsin.
Ministr qazir Memlekettik korporatsiianyń «kadr rezervine» konkýrs ótkizilip jatqanyn eskertti. «Kadr rezervine» iriktelgenderdiń ishinen HKO basshylary tańdalyp alynady.
