تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين «قۇپييا ساتىپ الۋشى» رەتٸندە نۇر-سۇلتان قالاسىنداعى حالىققا قىزمەت كٶرسەتۋ ورتالىعىنا باردى, دەپ حابارلايدى "ۇلت اقپارات".
باعدات مۋسين ونداعى 2 مەسەلەگە نازار اۋداردى.
«بٸرٸنشٸدەن, تٷبٸرتەكتٸ تٶلەۋ بارىسىنداعى كوميسسييانىڭ قىمبات بولۋى. بٸز تٶلەم جٷيەسٸن Kaspi-مەن بٸرگە QR-كود ارقىلى بٸرٸكتٸرٸپ بٸر قادام العا جىلجىدىق. كەلەسٸ قادام - حكو-دا «ادامي» كوميسسييالار ٷشٸن قىزمەت كٶرسەتۋگە دايىن وپەراتور ەكٸنشٸ دەڭگەيدەگٸ بانكتەردٸڭ كەلۋٸ ٷشٸن كونكۋرس ٶتكٸزۋ. قازٸر بولىپ جاتقان جاعداي - بۇل ناعىز حالىقتى توناۋ. ايتالىق 450-دەن 3 000 تەڭگەگە دەيٸن ٷستەماقى بار. ەلٸمٸزدٸڭ بارلىق ٶڭٸرلەرٸندە وسى مەسەلەنٸ شٸلدە ايىنىڭ سوڭىنا دەيٸن شەشۋ مٸندەتتەدٸم», - دەدٸ مينيستر.
ەكٸنشٸدەن, اۋقىمدى ميگراتسييا. ولار حكو-عا بارعاندا كەزەك پايدا بولادى. سول كەزدە بٸر عانا تەرەزە جۇمىس ٸستەپ تۇرادى.
«بٸز مەسەلەنٸ شەشۋ ٷشٸن قاي ۋاقىتتا كٶپ نەمەسە از ادام كەلەتٸنٸن انىقتايمىز. ٸٸم-مەن بٸرلەسٸپ مەسەلەنٸ پىسىقتايمىز, قازٸردٸڭ ٶزٸندە ۆيتسە-مينيسترمەن حابارلاسىپ, بٸرلەسٸپ جۇمىس ٸستەۋگە كەلٸستٸك. 8-شٸ تەرەزەدە كٶشٸ-قون مەسەلەسٸمەن اينالىساتىن قىزمەتكەر قابىلداۋى كەرەك, ال ول 13:00-دەن باستاپ 16:00-گە دەيٸن بولعان جوق! بۇل تۋرالى ٸٸم ەرٸپتەستەرٸنە حابارلادىم. حكو-لار, ٶز كەزەگٸندە, ەڭبەك ميگرانتتارىنىڭ اۋقىمدى اعىمىن ەسكەرە وتىرىپ, قىزمەت كٶرسەتۋ ٷشٸن قوسىمشا تەرەزەلەر ۇيىمداستىرۋى كەرەك», - دەدٸ باعدات مۋسين.
مينيستر قازٸر مەملەكەتتٸك كورپوراتسييانىڭ «كادر رەزەرۆٸنە» كونكۋرس ٶتكٸزٸلٸپ جاتقانىن ەسكەرتتٸ. «كادر رەزەرۆٸنە» ٸرٸكتەلگەندەردٸڭ ٸشٸنەن حكو باسشىلارى تاڭدالىپ الىنادى.
