© AP Photo / Vladimir Tretyakov / NUR.KZ
Ádilet ministri Qanat Mýsin qańtar oqiǵasyna qatysqan adamdarǵa bir rettik raqymshylyq jariialaý tártibin túsindirdi, dep habarlaidy Sputnik Qazaqstan.
Ministrdiń aitýynsha, Parlament aldymen arnaiy zań qabyldaýy qajet. Sonyń negizinde raqymshylyqqa iligetin adamdardyń tizimi jasalady.
"Ázirshe tizim jasaityn zań joq. Al Raqymshylyq týraly zańdy Parlament qabyldaidy. Osy zańda raqymshylyqqa iligetin adamdar men qylmys túrleri kórsetiledi. Mine, dál osy zań qabyldanǵannan keiin tizim jasalady", - dedi Mýsin ortalyq kommýnikatsiialar qyzmetinde ótken brifingte.
Aita keteri, Memleket basshysy Qasym-Jomart Toqaev halyqqa Joldaýynda qańtar oqiǵasyna qatysqandarǵa bir rettik raqymshylyq jariialaǵan bolatyn. Biraq tártipsizdikterdi uiymdastyrýǵa qatysy bar basty figýranttar, sondai-aq memleketke satqyndyq jasady jáne bilikti kúshpen basyp alýǵa tyrysty dep aiyptalyp otyrǵandar raqymshylyqqa ilikpeidi.
