Qanat Mýsin atqarýshylyq is júrgizýdegi problemalardy atady, dep habarlaidy QazAqparat.
«Jalpy, mańyzdy máseleler atqarýshylyq is júrgizý salasyn avtomattandyrý arqyly sheshimin tapty. Búgingi kúni is júrgizý áreketteriniń 70 paiyzy avtomattandyrylǵan aqparattyq júiede júzege asady. Atqarýshylyq is júrgizý taraptary materialdarmen onlain tanysa alady jáne protsestik ótinishhattardy taraptardyń kabineti arqyly beredi. Avtomattandyrylǵan aqparattyq júiesine tirkelý osy múmkindikti ashady. Alaida problemalar áli de jetkilikti. Barlyq bankter bizdiń júiemen biriktirilmegen. 27 bankten 14 bank aqparattyq almasýǵa qosylǵan. Bul oryndatý júiesin tolyq kólemde avtomattandyrýǵa, banktermen ózara is-qimyldy jeńildetýge múmkindik beredi. Azamattardyń qaryzdy tóleý múmkindikterin edáýir keńeitedi, olardyń ómirlik belsendiligin jeńildetedi», - dedi Qanat Mýsin Májilistegi Úkimet saǵatynda.
Sondai-aq, ministrdiń atap ótýinshe, kólikke tyiym salý/alyp tastaý jáne júrgizýshi kýáligi qoldanysyn shekteý máseleleri boiynsha Ishki ister ministrligimen integratsiia joq.
«Búgingi tańda úlken jáne is júzinde sheshilmeitin problema – ol taraptardy habardar etý. Aqparattyq júiemizde qazirgi ýaqytta SMS-habarlama bar. Biraq bul shara tiimsiz. Óitkeni ol habarlamany boryshkerge nemese óndirip alýshyǵa tiisti túrde jetkizýin qamtamasyz etpeidi. Al poshta arqyly habarlama jiberý – ol jetkizý merzimi men quny boiynsha arhaizm ekeni anyq. Habarlamany bir tapsyrys hat arqyly jiberý úshin shamamen 400 teńge jumsalady», - dedi ol.
Qanat Mýsinniń aitýynsha, memlekettiń quqyqtyq júiesinde boryshkerdi ýaqtyly habardar etý mindetti shart sanalady. Bul tek sot oryndaýshylary úshin ǵana emes, barlyq ákimshilik organdar úshin de mindetti.
«Qazirgi ýaqytta ministrlik bul máseleni sheshimin tabý jumystaryn júrgizýde. Tiisti usynystar jaqyn arada Úkimetke engiziletin bolady», - dedi ministr.
