قانات مۋسين اتقارۋشىلىق ٸس جٷرگٸزۋدەگٸ پروبلەمالاردى اتادى, دەپ حابارلايدى قازاقپارات.
«جالپى, ماڭىزدى مەسەلەلەر اتقارۋشىلىق ٸس جٷرگٸزۋ سالاسىن اۆتوماتتاندىرۋ ارقىلى شەشٸمٸن تاپتى. بٷگٸنگٸ كٷنٸ ٸس جٷرگٸزۋ ەرەكەتتەرٸنٸڭ 70 پايىزى اۆتوماتتاندىرىلعان اقپاراتتىق جٷيەدە جٷزەگە اسادى. اتقارۋشىلىق ٸس جٷرگٸزۋ تاراپتارى ماتەريالدارمەن ونلاين تانىسا الادى جەنە پروتسەستٸك ٶتٸنٸشحاتتاردى تاراپتاردىڭ كابينەتٸ ارقىلى بەرەدٸ. اۆتوماتتاندىرىلعان اقپاراتتىق جٷيەسٸنە تٸركەلۋ وسى مٷمكٸندٸكتٸ اشادى. الايدا پروبلەمالار ەلٸ دە جەتكٸلٸكتٸ. بارلىق بانكتەر بٸزدٸڭ جٷيەمەن بٸرٸكتٸرٸلمەگەن. 27 بانكتەن 14 بانك اقپاراتتىق الماسۋعا قوسىلعان. بۇل ورىنداتۋ جٷيەسٸن تولىق كٶلەمدە اۆتوماتتاندىرۋعا, بانكتەرمەن ٶزارا ٸس-قيمىلدى جەڭٸلدەتۋگە مٷمكٸندٸك بەرەدٸ. ازاماتتاردىڭ قارىزدى تٶلەۋ مٷمكٸندٸكتەرٸن ەدەۋٸر كەڭەيتەدٸ, ولاردىڭ ٶمٸرلٸك بەلسەندٸلٸگٸن جەڭٸلدەتەدٸ», - دەدٸ قانات مۋسين مەجٸلٸستەگٸ ٷكٸمەت ساعاتىندا.
سونداي-اق, مينيستردٸڭ اتاپ ٶتۋٸنشە, كٶلٸككە تىيىم سالۋ/الىپ تاستاۋ جەنە جٷرگٸزۋشٸ كۋەلٸگٸ قولدانىسىن شەكتەۋ مەسەلەلەرٸ بويىنشا ٸشكٸ ٸستەر مينيسترلٸگٸمەن ينتەگراتسييا جوق.
«بٷگٸنگٸ تاڭدا ٷلكەن جەنە ٸس جٷزٸندە شەشٸلمەيتٸن پروبلەما – ول تاراپتاردى حاباردار ەتۋ. اقپاراتتىق جٷيەمٸزدە قازٸرگٸ ۋاقىتتا سمس-حابارلاما بار. بٸراق بۇل شارا تيٸمسٸز. ٶيتكەنٸ ول حابارلامانى بورىشكەرگە نەمەسە ٶندٸرٸپ الۋشىعا تيٸستٸ تٷردە جەتكٸزۋٸن قامتاماسىز ەتپەيدٸ. ال پوشتا ارقىلى حابارلاما جٸبەرۋ – ول جەتكٸزۋ مەرزٸمٸ مەن قۇنى بويىنشا ارحايزم ەكەنٸ انىق. حابارلامانى بٸر تاپسىرىس حات ارقىلى جٸبەرۋ ٷشٸن شامامەن 400 تەڭگە جۇمسالادى», - دەدٸ ول.
قانات مۋسيننٸڭ ايتۋىنشا, مەملەكەتتٸڭ قۇقىقتىق جٷيەسٸندە بورىشكەردٸ ۋاقتىلى حاباردار ەتۋ مٸندەتتٸ شارت سانالادى. بۇل تەك سوت ورىنداۋشىلارى ٷشٸن عانا ەمەس, بارلىق ەكٸمشٸلٸك ورگاندار ٷشٸن دە مٸندەتتٸ.
«قازٸرگٸ ۋاقىتتا مينيسترلٸك بۇل مەسەلەنٸ شەشٸمٸن تابۋ جۇمىستارىن جٷرگٸزۋدە. تيٸستٸ ۇسىنىستار جاقىن ارادا ٷكٸمەتكە ەنگٸزٸلەتٸن بولادى», - دەدٸ مينيستر.
