Sýret ashyq derekkózden alyndy
Tsifrlyq damý, innovatsiialar jáne aeroǵarysh ónerkásibi ministri Astana men Almatyda bailanys sapasyn qalai jaqsartatynyn aitty, - dep habarlaidy Tengrinews.kz.
Sońǵy kezde astanalyqtar qaladaǵy uialy bailanys sapasyna jii shaǵymdana bastady. Signal deńgeii tómendep qana qoimai, tolyǵymen istemei qalatyn kórinedi.
Alaida Baǵdat Mýsinniń aitýynsha, mundai úzilis 5G tehnologiiasyna kóshýge bailanysty týyndaýy múmkin jáne bul - "ýaqytsha qubylys".
"Árine, ár jaǵdaidy bólek anyqtaý kerek. Biraq qazir jappai 5G tehnologiiasyn ornatyp, oǵan kóshý jumystary júrgizilip jatyr, sondyqtan bazalyq stantsiialar eksporttalyp nemese ákelinip jatyr. Jumys júrip jatyr. Árine, qiyndyq týyndaýy múmkin, bul - osy qyzmetterdi ornatý jáne konfigýratsiialaý kezindegi tehnologiialar. Biz turǵyndardan keshirim suraimyz. Bul ýaqytsha qubylys dep oilaimyn. Uialy bailanys operatorlary jyl sońyna deiin Astana men Almatydaǵy jaǵdaidy túzetetinine sendiredi", - dedi Mýsin.
