Қазақстан Тәуелсіздігіне 25 жыл

Murynǵa sebiletin koronavirýs vaktsinasy 2022 jyly tirkelýi múmkin

Murynǵa sebiletin koronavirýs vaktsinasy 2022 jyly tirkelýi múmkin


Reseidiń Gamaleia atyndaǵy ortalyǵynyń ǵalymdary ázirlegen koronavirýsqa qarsy murynǵa sebiletin vaktsina 2021 jyldyń sońynda – 2022 jyldyń basynda klinikalyq zertteýge shyǵarylady. Preparat 2022 jyly tirkelýi múmkin. Bul týraly ortalyq direktory Aleksandr Gintsbýrg málim etti, dep habarlaidy TASS agenttigi.

«Ortalyq COVID-19-ǵa qarsy vaktsinany jasaý jáne jetildirý boiynsha birneshe baǵytta jumys júrgizip jatyr. Bir baǵyty – nazaldy vaktsina jasaý. Qazir onyń klinikaǵa deiingi zertteýi júrgizilip jatyr. Klinikaǵa osy jyldyń sońynda - kelesi jyldyń basynda engizýdi, 2022 jyly zertteý nátijeleri boiynsha tirkeýden ótkizýdi josparlap otyrmyz», - dedi ǵalym. 

Gintsbýrgtiń aitýynsha, ázirge nazaldy vaktsina eki márte jasaldy dep boljanǵan, biraq bir rettik bolýy da yqtimal. Onyń aitýynsha, vaktsinanyń bul túriniń artyqshylyǵy – janama áseri is júzinde bolmaidy. 

Eske sala keteiik, Qazaq ulttyq agrarlyq zertteý ýniversiteti janyndaǵy Halyqaralyq vaktsinologiia ortalyǵynyń ǵalymdary ózderi ázirlegen COVID-19-ǵa qarsy eki vaktsinany synaqtan ótkizý kezeńi aiaqtalýǵa jaqyn ekenin málimdegen bolatyn. Sonyń biri – NARUVAX-C19/Nano – murynǵa tamyzý arqyly beriletin vaktsina.

Buǵan deiin habarlanǵandai, Qytai ǵalymdary murynǵa arnalǵan sprei túrinde koronavirýsqa qarsy vaktsinaǵa klinikalyq zertteýler júrgizip jatyr.