"Aýyl" Halyqtyq-demokratiialyq patriottyq partiiasy" qoǵamdyq birlestigi 9 maýsymda ótetin kezekten tys Prezident sailaýyna kandidat retinde Tóleýtai Sataiuly Raqymbekovti usynǵany belgili. Úmitker ótken aidyń sońynda memlekettik tildi erkin meńgergendigin anyqtaý úshin emtihan tapsyryp, synnan súrinbei ótti.
Artynsha oblystardaǵy sailaý komissiialaryna Prezidenttikke kandidatty qoldaý úshin qol jinaý paraqtary tapsyrylǵan. Tóleýtai Sataiulynyń Jambyl oblysyndaǵy senimdi ókili Murat Nurǵabylov qol jinaý protsesiniń ashyq ári jariialy túrde ótip jatqanyn málimdedi.
«30 sáýir kúninen bastap partiianyń on aýdan ortalyǵy men Taraz qalasyndaǵy shtabtary bekitilip, qol jinaýǵa belsene qatysýda. Sailaý naýqany aiasyndaǵy bul protsestiń eshqandai kedergisiz, ashyq jáne jariialy túrde ótip jatqanyn basa aitqym keledi. Dál qazirge deiin josparlanǵan qol sanynyń 80 paiyzǵa jýyǵyn jinap úlgerdik. Bizdiń kandidatymyzǵa senim bildirgen turǵyndarǵa rizashylyǵymyzdy jetkizemiz», - deidi Murat Nuriddinuly.
Kandidattyń senimdi ókiliniń aitýynsha, Tóleýtai Raqymbekovtiń Taraz qalasyndaǵy sailaýshylary Taraz innovatsiialyq gýmanitarlyq ýniversitetiniń ǵimaratyna kelip qol qoiýyna bolady. Alaida, partiianyń Jambyl oblysyndaǵy shtaby eki kúnnen soń Kóshek batyr men Qoigeldi kósheleriniń qiylysyndaǵy ǵimaratqa kóshirilmek.
Ashat RAIQUL,
