Qazaqstan qorǵanys ministriniń birinshi orynbasary - QR Qarýly Kúshteri bas shtabynyń bastyǵy Murat Bektanov Qazaqstannyń qorǵanys ministri bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Murat Káribaiuly Bektanov Qazaqstan Respýblikasynyń Qorǵanys ministri laýazymyna taǵaiyndalsyn", - delingen habarlamada.
Bektanov Murat Káribaiuly 1965 jyly 18 qyrkúiekte Soltústik qazaqstan oblysy Sokolovka aýylynda dúniege kelgen.
1989-1997 jyldary motoatqyshtar vzvodynyń komandiri, desanttyq-shabýyldaý vzvodynyń komandiri, desanttyq-shabýyldaý batalony barlaýynyń bastyǵy, Almaty joǵary jalpy áskeri komandalyq ýchilishesi vzvodynyń, kýrsanttar rotasynyń komandiri bolǵan.
1997-1998 jyldary shtab bastyǵy - ShOB komandiriniń orynbasary, keiin Qorǵanys ministrliginiń jaýyngerlik daiarlyq departamentiniń ofitseri retinde qyzmet etti.
2000 jyly Qarýly Kúshterdiń bas shtabyna Jedel josparlaý departamentiniń aǵa ofitseri retinde kirdi, 2005 jyly bas shtabtyń Áskeri akademiiasynyń tyńdaýshysy bolyp taǵaiyndaldy.
2007-2013 jyldary Qorǵanys ministrligi shtab bastyqtary komitetiniń jedel josparlaý departamenti bastyǵynyń orynbasary, keiin departament bastyǵy bolyp jumys istegen.
2013-2016 jyldary Qazaqstan Respýblikasy "Shyǵys" óńirlik qolbasshylyǵy áskerleriniń qolbasshysy qyzmetin atqardy, 2016 jyly Qarýly Kúshter Qurlyq áskerleriniń bas qolbasshysy bolyp taǵaiyndaldy.
2019 jyldyń sáýirinen bastap QR qorǵanys ministriniń birinshi orynbasary - QR Qarýly Kúshteri bas shtabynyń bastyǵy boldy.
