قازاقستان قورعانىس مينيسترٸنٸڭ بٸرٸنشٸ ورىنباسارى - قر قارۋلى كٷشتەرٸ باس شتابىنىڭ باستىعى مۇرات بەكتانوۆ قازاقستاننىڭ قورعانىس مينيسترٸ بولىپ تاعايىندالدى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"مۇرات كەرٸبايۇلى بەكتانوۆ قازاقستان رەسپۋبليكاسىنىڭ قورعانىس مينيسترٸ لاۋازىمىنا تاعايىندالسىن", - دەلٸنگەن حابارلامادا.
بەكتانوۆ مۇرات كەرٸبايۇلى 1965 جىلى 18 قىركٷيەكتە سولتٷستٸك قازاقستان وبلىسى سوكولوۆكا اۋىلىندا دٷنيەگە كەلگەن.
1989-1997 جىلدارى موتواتقىشتار ۆزۆودىنىڭ كومانديرٸ, دەسانتتىق-شابۋىلداۋ ۆزۆودىنىڭ كومانديرٸ, دەسانتتىق-شابۋىلداۋ باتالونى بارلاۋىنىڭ باستىعى, الماتى جوعارى جالپى ەسكەري كوماندالىق ۋچيليششەسٸ ۆزۆودىنىڭ, كۋرسانتتار روتاسىنىڭ كومانديرٸ بولعان.
1997-1998 جىلدارى شتاب باستىعى - شوب كومانديرٸنٸڭ ورىنباسارى, كەيٸن قورعانىس مينيسترلٸگٸنٸڭ جاۋىنگەرلٸك دايارلىق دەپارتامەنتٸنٸڭ وفيتسەرٸ رەتٸندە قىزمەت ەتتٸ.
2000 جىلى قارۋلى كٷشتەردٸڭ باس شتابىنا جەدەل جوسپارلاۋ دەپارتامەنتٸنٸڭ اعا وفيتسەرٸ رەتٸندە كٸردٸ, 2005 جىلى باس شتابتىڭ ەسكەري اكادەميياسىنىڭ تىڭداۋشىسى بولىپ تاعايىندالدى.
2007-2013 جىلدارى قورعانىس مينيسترلٸگٸ شتاب باستىقتارى كوميتەتٸنٸڭ جەدەل جوسپارلاۋ دەپارتامەنتٸ باستىعىنىڭ ورىنباسارى, كەيٸن دەپارتامەنت باستىعى بولىپ جۇمىس ٸستەگەن.
2013-2016 جىلدارى قازاقستان رەسپۋبليكاسى "شىعىس" ٶڭٸرلٸك قولباسشىلىعى ەسكەرلەرٸنٸڭ قولباسشىسى قىزمەتٸن اتقاردى, 2016 جىلى قارۋلى كٷشتەر قۇرلىق ەسكەرلەرٸنٸڭ باس قولباسشىسى بولىپ تاعايىندالدى.
2019 جىلدىڭ سەۋٸرٸنەن باستاپ قر قورعانىس مينيسترٸنٸڭ بٸرٸنشٸ ورىنباسارى - قر قارۋلى كٷشتەرٸ باس شتابىنىڭ باستىعى بولدى.
