Brent markaly munai beisenbi kúni tańǵy saýda-sattyqta barreline 112,52 dollarǵa saýdalandy, dep habarlaidy QazAqparat saity Anadoly agenttigine silteme jasap.
Sársenbidegi sońǵy saýda-sattyqta munaidyń etalondyq markasynyń barreliniń quny 116,24 dollarǵa jetti jáne kúnniń sońyna qarai baǵa 112,45 dollar deńgeiinde boldy. 30 maýsymda tańǵy saǵat 09.34-te Brent markaly munai baǵasy 0,06 paiyzǵa, barreline 112,56 dollarǵa deiin ósti.
WTI markaly munai fiýchersteriniń quny barreline 109,88 dollardy qurady.
Liviianyń negizgi eki portynan munai jetkiziliminiń toqtatylýy jáne Ekvadorda jalǵasyp jatqan narazylyqtar saldarynan óndiristiń tómendeýi munai jetkizý máselesin kúsheitti. Sonymen qatar baǵanyń ósýine AQSh-taǵy kommertsiialyq shiki munai qorynyń tómendeýi boljamnan da kóp áser etti.
AQSh energetikalyq aqparat basqarmasynyń málimetinshe, ótken aptada eldegi shiki munaidyń kommertsiialyq qory 2,8 million barrelge (0,7 paiyz) -415 million 600 myń barrelge deiin azaidy.
Naryq qorlary shamamen 110 000 barrelge azaiady dep kútilgen edi. Kórsetilgen kezeńde AQSh-taǵy benzin qory 2 mln 600 myń (1,2 paiyz) - 221 mln 600 myń barrelge deiin ulǵaidy.
