Energetika ministrligi munai-gaz salasyndaǵy kásiporyndardyń bárine munai men gaz kondensatyn esepke alý qurylǵysyn ornatpaqshy, dep habarlaidy QazAqparat.
Vitse-ministr Janat Jahmetovanyń aitýynsha, atalmysh shara saladaǵy ashyqtyqty qamtamasyz etip, esepke aýl kezinde adam faktoryn boldyrmaýǵa múmkindik beredi.
«Munai men gaz kondensatyn esepke alýdyń aqparattyq júiesin engizý jobasy ázirge birinshi kezeńde. Pilottyq kezeńde onyń qalai jumys isteitinin kórgimiz keledi. Biz aqparattar jinaqtalatyn baza quryp jatyrmyz. Aqparattardy operatorlar emes, esepke alý qurylǵysy jinaqtaityn bolady. Qurylǵylary munai-gaz salasynyń nysandarynda ornatylady da, sol jerden sát saiyn avtomatty túrde aqparatty ortaq bazaǵa jiberip otyrady. Iaǵni, operatorlarǵa toqsan saiyn, jyl saiyn túngi saǵat 4.00-te turyp derekter jiberý qajet bolmaidy», - dedi ministrdiń orynbasary.
Sondai-aq, ol pilottyq kezeń bitken soń atalmysh júie ónerkásip oryndaryna engiziletinin eskertti.
«Negizgi mindet – munai-gaz salasyndaǵy nysandardyń bárin aqparattyq júiege kiriktirý. Bul jerde qiyndyqtar týyndaitynyn kórip otyrmyz. Biraq biz onyń bárin pysyqtaimyz. Osylaisha biz munai men gazdyń óndirilgen kólemi, tasymaldaný mólsheri, munai eksportynyń mólsheri týraly shynaiy aqparatty avtomatty túrde, der kezinde alyp otyramyz, - dedi Janat Jahmetova.
Vitse-ministr zańnama boiynsha atalǵan qurylǵyny kásiporyndar óz qarajaty esebinen júrgiziletinin atap ótti.
