Qazirgi ýaqytta keibir mekeme basshylary «aldaǵy ýaqytta jumys bolmaýy saldarynan jumysshylarymyz bos qalýy múmkin» degen ýáj aitýda. Bul týraly QR Energetika ministri Nurlan Noǵaev Ortalyq kommýnikatsiialar qyzmetinde ótken onlain brifingte aitty, dep habarlaidy QazAqparat.
«Memleket basshysynyń tapsyrmasyna orai Premer-Ministrdiń orynbasary Eraly Toǵjanovtyń basshylyǵymen Úkimettik komissiia munaily óńirlerge barǵanda qaralǵan eń basty másele – munai-gaz salasynda qyzmet atqaratyn, munai óndiretin kompaniialarda adam sanyn qysqartpaý jóninde boldy. Jergilikti ákimdikter men ministrlik arasynda birlesip qabyldaǵan is-sharalar josparyna sáikes qazirgi tańda bul másele baqylaýda. Josparǵa sáikes jumys atqarylyp jatyr», - deidi QR Energetika ministri Nurlan Noǵaev.
Onyń aitýynsha, qazirgi ýaqytta munai servisi kompaniialarynan 3500 adam jumystan bosatylǵan.
«Árine, mekeme basshylary «Aldaǵy ýaqytta jumys bolmaýy saldarynan bizdiń jumysshylar bos qalýy múmkin» degen ýáj aitýda. Degenmen birlesip qarap, joǵaryda atalǵan munai-gaz salasyndaǵy servistik kompaniiialarǵa, jalpy osy máselege qatysty mekeme basshylarynyń ózindik qundy tómendetip, biznes protsesterdi ońtailandyryp, birigip sheshim qabyldaý kerek. Óz tarapymyzdan biz birigip jumys isteýge ázirmiz», - deidi ol.
