Elimizde munai-himiia salasynda quny 2,6 mlrd dollarlyq 3 zaýyt salynyp jatyr. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Biyl jalpy qýaty 557 myń tonnany quraityn jáne salaǵa 2,6 mlrd AQSh tartatyn úsh zaýyttyń qurylys-montajdaý jumystaryn aiaqtaý josparlanýda. Atap aitqanda: Atyraý oblysynda qýaty jylyna 500 myń tonna polipropilen óndirý zaýyty, Shymkentte qýaty jylyna 57 myń tonna benzinniń oktan sanyn arttyratyn qospa óndirý zaýyty jáne Atyraý oblysynda qýaty 57 mln tekshe metr azot jáne 34 mln tekshe metr qurǵaq syǵylǵan aýa óndirý zaýyty», - dedi Nurlan Noǵaev.
