Munai-gaz mashinasyn jasaýdy damytý jónindegi halyqaralyq ortalyq qurylady. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Qazirgi ýaqytta ministrlik munai-gaz salasyndaǵy jergilikti qamtý úlesin ulǵaitýǵa múmkindik beretin eki bastamany júzege asyrýda. Birinshisi - Shevron kompaniiasymen birigip jergilikti qamtýdy damytýdyń tikelei investitsiialar qoryn qurý. Ekinshisi - munai-gaz mashinasyn jasaýdy damytý jónindegi halyqaralyq ortalyq qurý», - dedi ministr.
Nurlan Noǵaevtyń aitýynsha, 10 jyl ishinde elimizdiń jalpy ishki ónimine jergilikti qamtýdy damytýdyń tikelei investitsiialar qory qyzmetiniń oń áseri shamamen 642 mln AQSh dollaryn quraityn bolady.
«Al halyqaralyq ortalyq 3 iri operatordyń, atap aitqanda NKOK, KPO jáne TShO-nyń qajettiligi úshin taýarlar óndirý men kórsetiletin qyzmetterdi jetkizýde servistik kompaniialardyń, jergilikti óndirýshilerdiń qatysýyna múmkindik beredi», - dedi ol.
