مۇناي-گاز ماشيناسىن جاساۋدى دامىتۋ جٶنٸندەگٸ حالىقارالىق ورتالىق قۇرىلادى. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى قازاقپارات.
«قازٸرگٸ ۋاقىتتا مينيسترلٸك مۇناي-گاز سالاسىنداعى جەرگٸلٸكتٸ قامتۋ ٷلەسٸن ۇلعايتۋعا مٷمكٸندٸك بەرەتٸن ەكٸ باستامانى جٷزەگە اسىرۋدا. بٸرٸنشٸسٸ - شەۆرون كومپانيياسىمەن بٸرٸگٸپ جەرگٸلٸكتٸ قامتۋدى دامىتۋدىڭ تٸكەلەي ينۆەستيتسييالار قورىن قۇرۋ. ەكٸنشٸسٸ - مۇناي-گاز ماشيناسىن جاساۋدى دامىتۋ جٶنٸندەگٸ حالىقارالىق ورتالىق قۇرۋ», - دەدٸ مينيستر.
نۇرلان نوعاەۆتىڭ ايتۋىنشا, 10 جىل ٸشٸندە ەلٸمٸزدٸڭ جالپى ٸشكٸ ٶنٸمٸنە جەرگٸلٸكتٸ قامتۋدى دامىتۋدىڭ تٸكەلەي ينۆەستيتسييالار قورى قىزمەتٸنٸڭ وڭ ەسەرٸ شامامەن 642 ملن اقش دوللارىن قۇرايتىن بولادى.
«ال حالىقارالىق ورتالىق 3 ٸرٸ وپەراتوردىڭ, اتاپ ايتقاندا نكوك, كپو جەنە تشو-نىڭ قاجەتتٸلٸگٸ ٷشٸن تاۋارلار ٶندٸرۋ مەن كٶرسەتٸلەتٸن قىزمەتتەردٸ جەتكٸزۋدە سەرۆيستٸك كومپانييالاردىڭ, جەرگٸلٸكتٸ ٶندٸرۋشٸلەردٸڭ قاتىسۋىنا مٷمكٸندٸك بەرەدٸ», - دەدٸ ول.
