Eýropanyń birqatar elderinde jańa shekteý sharalarynyń engizilýine bailanysty álemdik qarjy naryǵynyń qubylýy baiqalyp otyr.
Munai baǵasy kúrt tómendep, bir barreli 63 dollarǵa deiin túsken. Bul jaǵdaidyń teńge baǵamynyń dinamikasyna qalai áser etkenin Ulttyq banktiń monetarlyq operatsiialar departamentiniń direktory Nurjan Tursynhanov túsindirdi, dep habarlaidy QazAqparat.
«18 naýryzdaǵy saýda sessiianyń qorytyndylary boiynsha munai baǵasy 7 paiyzǵa, bir barreli úshin 68 dollardan 63,3 dollarǵa deiin tómendegen. Munai baǵasy ótken jyldyń maýsym aiynan beri tómendep keldi. Buǵan munaiǵa degen suranystyń baiaý qalpyna kelý qaýpi men Eýropa jáne damýshy elderde vaktsinalaýdyń áli de tómen qarqyny siiaqty birqatar faktorlar sebep boldy. Munaiǵa degen suranystyń baiaý qalpyna kelý qaýpi investorlardyń aziialyq munai naryǵynda satyp alýlardyń tómendeýine qatysty alańdaýshylyǵymen bailanysty bolyp otyr. Qytaida munaidy satyp alýdyń báseńdeýin qytailyq munai óńdeýshi kásiporyndardyń irandyq munai eksportyna qatysty sanktsiialaryna qaramastan, ony satyp alýymen bailanystyryp otyr», - dep atap ótti N.Tursynhanov.
Onyń aitýynsha, Eýropada, ásirese Italiia jáne Frantsiiada Covid-19 oqiǵalarynyń kóptep tirkelýi jáne eýropalyq elderde AstraZeneca vaktsinasyn qoldanýdy toqtatý sebebimen vaktsinalaýdyń báseńdeýi jańa karantin shekteýleriniń engizilýine, taǵy bir týristik maýsymnyń ótkizilmeýine qaýip tóndirip otyr.
