ەۋروپانىڭ بٸرقاتار ەلدەرٸندە جاڭا شەكتەۋ شارالارىنىڭ ەنگٸزٸلۋٸنە بايلانىستى ەلەمدٸك قارجى نارىعىنىڭ قۇبىلۋى بايقالىپ وتىر.
مۇناي باعاسى كٷرت تٶمەندەپ, بٸر باررەلٸ 63 دوللارعا دەيٸن تٷسكەن. بۇل جاعدايدىڭ تەڭگە باعامىنىڭ ديناميكاسىنا قالاي ەسەر ەتكەنٸن ۇلتتىق بانكتٸڭ مونەتارلىق وپەراتسييالار دەپارتامەنتٸنٸڭ ديرەكتورى نۇرجان تۇرسىنحانوۆ تٷسٸندٸردٸ, دەپ حابارلايدى قازاقپارات.
«18 ناۋرىزداعى ساۋدا سەسسييانىڭ قورىتىندىلارى بويىنشا مۇناي باعاسى 7 پايىزعا, بٸر باررەلٸ ٷشٸن 68 دوللاردان 63,3 دوللارعا دەيٸن تٶمەندەگەن. مۇناي باعاسى ٶتكەن جىلدىڭ ماۋسىم ايىنان بەرٸ تٶمەندەپ كەلدٸ. بۇعان مۇنايعا دەگەن سۇرانىستىڭ باياۋ قالپىنا كەلۋ قاۋپٸ مەن ەۋروپا جەنە دامۋشى ەلدەردە ۆاكتسينالاۋدىڭ ەلٸ دە تٶمەن قارقىنى سيياقتى بٸرقاتار فاكتورلار سەبەپ بولدى. مۇنايعا دەگەن سۇرانىستىڭ باياۋ قالپىنا كەلۋ قاۋپٸ ينۆەستورلاردىڭ ازييالىق مۇناي نارىعىندا ساتىپ الۋلاردىڭ تٶمەندەۋٸنە قاتىستى الاڭداۋشىلىعىمەن بايلانىستى بولىپ وتىر. قىتايدا مۇنايدى ساتىپ الۋدىڭ بەسەڭدەۋٸن قىتايلىق مۇناي ٶڭدەۋشٸ كەسٸپورىنداردىڭ يراندىق مۇناي ەكسپورتىنا قاتىستى سانكتسييالارىنا قاراماستان, ونى ساتىپ الۋىمەن بايلانىستىرىپ وتىر», - دەپ اتاپ ٶتتٸ ن.تۇرسىنحانوۆ.
ونىڭ ايتۋىنشا, ەۋروپادا, ەسٸرەسە يتالييا جەنە فرانتسييادا Covid-19 وقيعالارىنىڭ كٶپتەپ تٸركەلۋٸ جەنە ەۋروپالىق ەلدەردە AstraZeneca ۆاكتسيناسىن قولدانۋدى توقتاتۋ سەبەبٸمەن ۆاكتسينالاۋدىڭ بەسەڭدەۋٸ جاڭا كارانتين شەكتەۋلەرٸنٸڭ ەنگٸزٸلۋٸنە, تاعى بٸر تۋريستٸك ماۋسىمنىڭ ٶتكٸزٸلمەۋٸنە قاۋٸپ تٶندٸرٸپ وتىر.
