Munaiǵa otyn retindegi suranys báseńdese de, óńdeý shikizaty retinde qundylyǵyn joǵaltpaidy. Májiliste ótip jatqan salany damytý týraly otyrysta QR Enegrgetika ministri Nurlan Noǵaev osyndai pikir bildirdi, dep habarlaidy QazAqparat.
«Qazirgi tańda álemdegi munai-himiia qajettilikteri úshin kómirsýtek shikizatyn tutyný úlesi shamamen 35%-dy quraidy. Al 2050 jylǵa qarai ol kórsetkish 50% deiin jetedi dep boljanýda. Bul rette, ol Qazaqstanda 0,2% -ǵa teń. Munai baǵasynyń joǵary qubylmalylyǵyna qaramastan, polimer ónimderiniń baǵasy (polietilen mysalynda) turaqty jáne bul trend bolashaqta da saqtalady», - dedi ministr.
Vedomstvo basshysy keleshekte munai-gaz-himiia salasy munai men gazdy tutynýdyń draiveri bolady degen bolam aitty.
«Munai-gaz-himiialyq ónimderdi qaitalap óńdegen saiyn, bastapqy shikizatpen salystyrǵanda sońǵy ónimniń quny 15 esege deiin aratady. Sarapshylardyń aitýynsha álemdik energiia teńgerimindegi jańartylatyn energiia kózderi úlesiniń serpindi ósýin jáne kómirsýtekterge otyn retinde suranystyń boljamdy tómendeýin eskere otyryp, perspektivada kómirsýtek shikizaty negizinen munai-gaz-himiia ónimderin shyǵarý úshin paidalanylatyn bolady», - dedi Nurlan Noǵaev.
