Eńbek jáne áleýmettik qorǵaý ministrligi óńirlerdegi múgedekterdiń quqyqtaryn buzý faktilerin anyqtady, – dep habarlaidy ministrliktiń baspasóz qyzmeti.
2020 jyldyń úsh toqsanynyń qorytyndysy boiynsha QR Eńbek ministrligi Eńbek, áleýmettik qorǵaý jáne kóshi-qon komitetiniń óńirlik departamentteri júrgizgen tekserýler barysynda 472 obektide múgedektigi bar adamdardyń áleýmettik jáne kólik infraqurylymy obektilerine kirip-shyǵýyn qamtamasyz etý boiynsha buzýshylyqtar anyqtaldy.
Joǵaryda atalǵan kezeńde memlekettik basqarý, densaýlyq saqtaý, mádeniet jáne kóliktik qyzmet kórsetý salalaryndaǵy obektilerde buzýshylyqtardy anyqtaý boiynsha barlyǵy 658 baqylaý is-sharasy ótkizildi. Onyń ishinde 624 obektide múgedektigi bar adamdar úshin qoljetimdi ortany qamtamasyz etý turǵysynan tekserý júrgizildi. Bul rette profilaktikalyq baqylaý sheńberinde 459 tekserý júrgizildi, azamattardyń ótinishteri boiynsha jospardan tys 199 tekserýge bastamashylyq etildi.
Tekserý nátijesinde múgedektigi bar adamdardy áleýmettik qorǵaý jáne olarǵa arnaýly áleýmettik qyzmet kórsetý salasynda anyqtalǵan buzýshylyqtardy joiý týraly 472 uiǵarym berildi, olardyń 37-si boiynsha jalpy somasy 9,1 mln teńgege ákimshilik aiyppul salyndy.
Qazaqstanda barlyǵy 34 883 áleýmettik infraqurylym obektisi bar, onyń ishinde 34 509 obektide jergilikti atqarýshy organdar múgedektigi bar adamdar úshin qoljetimdi ortany uiymdastyrý turǵysynan pasporttaý júrgizýdi josparlap otyr. 2020 jyldyń úsh toqsanynyń qorytyndysy boiynsha rásim 34 279 obektide júrgizildi.
Aita ketý kerek, 25 648 (75%) pasporttalǵan obekt qosymsha beiimdelýge tiis. Aǵymdaǵy jylǵy 1 qazandaǵy jaǵdai boiynsha olardyń 24 939-y beiimdeldi.
