Juma kúni túnde Mýmbaidaǵy turǵyn úi qulap, jeti adam qaza tapty, taǵy úsheýi jaraqat alǵan. Bul týraly ANI agenttigi habarlady.
Qalalyq politsiianyń málimetine sáikes, oqiǵa qalanyń shyǵysyndaǵy Govandi aýdanynda bolǵan. Úidiń qiraýyna qatty nóserden týyndaǵan sý tasqyny men balshyq aǵyndary sebep bolǵan. Bir táýlik ishinde qalada 380 mm-ge jýyq jaýyn-shashyn tústi.
Shilde aiynyń ortasynda Úndistannyń Batys jaǵalaýynda, sonyń ishinde Mýmbaida kúshti mýssondyq nóser maýsymy bastaldy. 19 shildede Shambýr, Vihroli, Bhandpýr aýdandarynda sel men sý tasqynynan týyndaǵan ǵimarattardyń qulaýynan Mýmbaida 33 adam kóz jumdy. Qalanyń oipatty aýdandary sý astynda qaldy.
Bilik ulttyq áskeri-teńiz kúshterinen qutqarý jumystaryn júrgizýge kómek surady. Eldiń batys Áskeri-teńiz qolbasshylyǵy qutqarý toptaryn jumyldyrdy jáne azamattyq ákimshilikke kómek kórsetý úshin áskeri tikushaqtardy tartty.
